Маја Руис-Пикасо, најстарата ќерка на шпанскиот уметник Пабло Пикасо на која татко ѝ ѝ посвети неколку слики, почина вчера во 88-та година од животот, изјави нејзниот адвокат Ришар Малка.
„Маја Руис-Пикасо почина мирно утринава опкружена со семејството, во 88-та година“, се наведува во соопштението на адвокатот без други детали.
Родена на 5 септември 1935 година, Марија де ла Консепсион со прекар Маја му беше прво дете. Во Париз е во тек изложба за ќерката на Пабо Пикасо и Мари-Терез Валтер, кои се запознаа во 1927 година.
Пикасо, кој почина во 1973 година, имаше четри деца, а Маја му беше прво дете..
Во парискиот музеј посветен на делата на Пикасо, се изложени слики кои уметникот ѝ ги посветил на Маја, меѓу кои „Маја со кукла“, „Маја со кукла и коњ“ „Маја во морнарски костим“, „Маја со чамец“ и „Маја со престилка“.
Во 2023 година, Франција и Шпанија преку неколку изложби ќе ја одбележат 50-годишнината од смртта на Пабло Пикасо.
