Денес, 2 декември се одбележува Меѓународниот ден за укинување на ропството, денот кога беше усвоена Конвенцијата на Обединетите Нации за сузбивање на трговијата со луѓе и експлоатација на проституција од страна на други (резолуција 317 (IV) од 2 декември 1949 година), од страна на Генералното собрание на Обединетите Нации.
„Милиони луѓе во светот, вклучувајќи ги и децата се потчинети на ропство во модерното време и во голема мера недостасува политичка волја да им се помогне да излезат од таа истуација“ – наведуваат експертите на ОН, кој се занимаваат со модерните облици на ропство и трговија со луѓе и деца.
Најмалку 20.9 милиони луѓе се потчинети на модерните облици на ропство, а големи дел од нив се жени и девојчиња, стои во извештајот на ОН.
„Освен тоа, 168 милиони деца работат, а половината од нив имаат привремена работа. Така го загрозуваат своето здравје, главно работејќи во рудниците и каменоломите“ – се додава во извештајот.
На милиони деца во светот им е украдено детството, бидејќи се “жртви на сексуалната експлоатација и принудната работа“.
