Avdive 2 Decembro notirinela pe o Internacionalno dive sar čhinavgja pe o robora, dive kana sine kerdi I Konvencia taro Unime Nacie te čhinavel pe o kinobikiba manušencar ,eksploatacia e prostituciake taro avera (rezolucia 317 (IV) taro 2 Decembro 1949 berš tari rig e Generalno khedipaske ko Unime Nacie.
„Milionia manuša an I lumia konektiribaja thaj čhave si legarde sar robora an o akava modernikano vakti thaj majbut nane politikani solucia te del pe suporto te šaj ikljovel pea kale situacijatar” akcentirinena o ekspertoa ko UN so keren aktiviteto e modern formenge taro robia thaj kinobikiba manušencar thaj čhavencar.
Majhari 20.9 milionia manuša si čhivde telal modernikane forme ko robia a majbaro kotor olendar si džuvlja thaj čhija, notirinel pe ko raporti taro UN.
„Trujal akava 168 milionia čhave keren buti , thaj jekhvaš olendar si len part buti. Agjaar teleperavena piro sastipa, majbut keriba buti ko rudnikia thaj kamenolomia” dopherdo si ko akava raporti. Milioni čhavenge an I lumia so čordo o čhavoripa. Soske si “viktimia tari seksualno eksplotacia thaj zorea butikeriba”
