O 3-to Decembro notirinel pe sar Internacionalno dive personenge invalidetoa. Akava dive si akcentirime sar zaruripa thaj problemia so isi len thaj so arakhen pe o persone invalidetea.
Numa sar so vakerena but asociacie, NGO , unie e personenge hendikepoa - nane but salde te notirinen pe salde jekh dive em I sama so akala persone si jekh a jekh avere manušencar. Odova trubul sako dive te ovel kotor taro manušeskoro sasoitnipa. Akala persone majbut rodena egaliteto , korkoroutno dživdipa thaj funkcioniriba an o sasoitnipa. I terminologia persone invalidetea đaj notirinela but diferentno situacie: taro tikne pharipa ko sikljoviba, sikavde intelektualno bariere, psihijatrisko teleperaviba, hronično nasvalipa thaj aver.
Prekal o informacie tari Lumiakiri sastipaskiri organizacia (SZO), pobuter tari jekh milijarda manuša an I lumia dživdinen nesave hendikepoa. Akava si paše 15% tari lumiakiri populacia.
