Во петок во попладневните часови, група од над 500 - 600 жители на Шуто Оризари се собраа на улицата Јован Хаџишишков во знак на протест и револт.

Причина за револтот според нив е дека нешто пред 19:00 часот возило на полициска патрола поминувајќи низ таа улица, предизвика сообраќања несреќа при што повредено беше едно лице. Според очевидците, возилото не застана и го продолжи својот пат.

Повредениот со помош на свои блиски роднини беше однесен во градската болница „Св.Наум Охридски„ во Скопје. Но тогаш настана и инцидент, каде според неговите роднини, наводно повредениот по укажаната медицинска помош, бил изнесен од задниот дел на болницата, и обвинуваат дека полициски службеници употребиле физичка сила и бил однесен во полициска станица.

Поради тоа се направил голем револт кај насобраните граѓани, кој реагираа на таа бруталност , а истовремено немаа никаква информација каде е однесен повредениот.

Според неофицијалните искази на неговите најблиски, тој бил малтеретиран и тепан и однесен во полицијска станица Центар.

Засега нема никаква повратна информација од страна на полицијата, затоа што портпарлите на МВР и СВР Скопје, не одговараа на телефонските повици на редакцијата на Roma Times.

fShare

Tweet