Во 21 век да се живее без водовод и канализација, во фекалии, депонии и извор на заразни болести, а лоцирани се во непосредна близина на центарот на градот. Овие услови веќе над 24 години ги следат 24 семејства кои се во Старата Касарна во Кочани. Севкупно се 100 луѓе вклучувајќи и 39 деца.
Тие велат дека без разлика на која политичка гарнитура на власт, ветувањата се исти, но решение сеуште нема. Без основни услови за живот овие луѓе се оставени сами на себе. Се жалат дека се сосема заборавени и отфрлени, а се интересни само за време на избори, кога доаѓаат политичарите им ветуваат и толку!
Од локалната самоуправа на градот Кочани градоначалникот Николче Илијев, ексклузивно за порталот Рома Тајмс велат дека за Старата Касарна има најдено решение и локација, како и обезбеден простор. Вредноста на објектот кој е во план да се изгради изнесува околу 350.000 - 400.000 евра.
Општината ги нема тие средства и затоа планираат преку проекти да се приберат за да се стартува таа изградба на новата локација која ја наименуваа како Кварт 5! Се планира изградба на смесувачки објекти за 24 семејства плус 4 како резерва.
Кога би се случило тоа, никој нема одговор.
