Едукација

Startujnel o hramovipa e čhavenge an o avgo klasi ki fundavno škola

Avdive startujngja o hramosariba e čhavenge so ka džan ko avgo klasi ki fundavno škola an o sikljojbaskoro 2016/17 година, ko sa o škole an i Makedonia. O hramosariba ka ovel sako bukjarno dive taro 9 dži ko 14 o saati. Sako škola trubul te hramosarel e čhaven taro plo reoni kote kerela buti.

Dokumentacia so trubul te ovel len si lil bianibaskoro, lil bašo kerde vakcinacie e čhaveske. Majbut informacie šaj te resen taro pedagoško- psihološko ofiso an i škola.

Повеќе...

O Roma tari purabali provincia Mersin an i Turkia, promoviringja o jekhto Romano - turkiakoro alavari

O Roma so dživdinena an i purabali provincia Mersin an i Turkia, kergje promocia e jekhto Romano - turkiakoro alavari te šaj zojrakeren pli kultura thaj čhib, - akcentiringja o šefi e Mediteransko federaciake taro romane organizacie o Ali Dajlam.

O Ali Daklam sine iniciatori ko diferentno proektia thaj organizacia mitingia resarinaja nevekeriba thaj promocia e romane čhibjake.

Повеќе...

D-r Hristo Kyucikov jekhto Rom an i Europa sar akademsko universitetsko profesori

Ano 16 maj 2016 berš an i Bratislava - Republika Slovakia o D-r Hristo Kyucukov an i oficialno ceremonia tari rig e prezidenteske tari Republika Slovakia sine leske dendo sertifikato kote so reslja titula Univerzitetsko profesoro saste čhibjenge. Akale aktea o D-r Hristo Kyucukov si jekhto Rom an i Europa sar akademsko universitetsko profesori

Premal o notirime bukja an o internacionalno ofisia o D-r Hristo Kyucukov an o periodo 2011-2013 sine editori e magazinoske " Interkulturalizmo thaj interkulturno edukacia", " Lincom studie an o čhibja thaj resiba dujčhibjakere modifikacie" thaj "Roma" havljarde an i rig taro LINCOM editori an i Germania.

Повеќе...

An o sikljojbaskoro 2016/17 berš, an o SUGS "Šaip Jusuf" - Komuna Šuto Orizari, isi than bašo 170 sikle ko jekhto sikljojbaskoro berš

Prekal o informacie taro legarutne an o SUGS "Šaip Jusuf" - Komuna Šuto Orizari an o sikljojbaskoro 2016/17 berš, ka šaj sa o sikle so agorkerena pli fundavno edukacia, šaj te hramosaren pe an i akaja škola. Ki akaja škola isi paralelke thaj grupe so ka šaj te hramosaren pe o sikle thaj akale punktoncar:

Повеќе...