Antigypsyism

2-to Avgusto - Romano Holokausti , dive kana sine mudarde sa o roma an o Aušvic

Avdive i lumia del respekto an o nekanutno nacistikano logori Auđvic thaj aver thana kote milja Roma thaj Sintoa si viktimia e Holokaustoske, dive kana o ancistia angleder 73 berša likvidiringja 2.897 logorašia - ačahile Roma an o logoroa so sine kerdo an o utar e okupirime Polskake.

Ko akava memorialno dive taro Holokaust e romenge si notirime o dive 2 Avgusti soske tegani ko 1944 berš o nacistia na o plinsko komore likvidiringje e agorutnen 2.897 phanlen ko anavkerdo romano logori. Ko Aušvic i majbari nacistikani fabrika meribaske an i okupirimi Europa, nakhle 23.000 Roma a ko olakoro tromalipa ko 27 januari 1945 berš 21.000 olendar na dodžargje odova dive.

Повеќе...

I diskriminacia an i BiH: Bešav sine an o busi kana šungjum manuše so vakerel kaj miri nacia trubul te ovel mudardi

Kana an o BiH startujnel pe diskusiaja an i tema diskriminacia, minjoriteto thaj aver majanglal anavkeren pe o Roma thaj Jaudie. Ko sa o diskusie potencirime si kaj si bisterde, teleperavde, bisterde, diskriminrime ko buteder forme.

Jekh phureder manuš vakerela: " O dživdipa si jekh a jekh sar an o avera manuša. Me miri penzia resljum bukjaja, sine man butiu thaj sim sine sar savore dizutne, soske nikastar na rodava sine.

Kana kerel pe diskusia e terne generacienge i diskriminacia si akate".

Повеќе...

Vakerena kaj si romano čhavo, i direktorka na mangel e Romen an i škola

Ko socialno netvorko sikavgje pe faktia bašo jekh romano čhavo tari jekh beogradsko škola.

Ida Presterm vokali an i grupa " Lolobridžida" hulavgja jekh fotosi daj čhavea thaj i storia anavkergja la sar "lačhi thaj kerki".

“U Goca ake 4 berša po desavo drom užarel mo kher, oj si but pedantno thaj odokhare zamanglem la so angažiringjem la sar bebisiteri kana amen siem an i buti trujal so si but terni i Goca si daj korkro so bajrarel e eftaberšengere Aco" vakerela oj.

Aso olakere lafia " o sasto problemi" startujngja kana o čhavo chidingja an i škola.

“Iranel pe sine tari škola saste bibahtalo, na hal sine maro, uštel sine ki rakj thaj rovela sine, thaj i daj vakerel kaj o čhave vakeren kaj si ov Rom thaj pučlja so si odova soske sasto vakti si korkoro thaj ni jekh na kamel sine te khelel olea" vakerel i Ida.

Повеќе...

Palem meripa an o phanlipa Idrizovo, akava drom viktimi si 46 beršengiri Romani - Sutkie Mustafova tari Strumica

Ko jekh taro kelie an o phanlipa ko Idrizovo, i phanli Sutkie Mustafova tari Strumica muli sebepi bilačhi sastipaskiri situacia . E phanlipaskoro doktori vakerela kaj ko džuvlengoro kotor e phanlipaske an o 7 juni muli i 46 beršengiri phanli romani džuvlia. I medicinsko urgentno ekipa interveniringja, numa bibahtaje jibstatiringja salde meripa.

Aso vice Nacionalno Obdusmano , Vaska Bajramovska i muli romani džuvli sine krisimi 8 berš phanlipa. Sine phanli an o 2012 berš a ko nakhle nekobor berša sebepi sastipaskere problemia upreder 20 droma sine legardi an o hospitalo.

I ekipa tari olengiri institucia avdive kergja opservacia ko than akale čipotake.

Повеќе...