Деновиве една од поактуелните теми во Парламентот на Собранието на Р.С Македонија е изборот на седум членови на Комисијата за спречување и заштита од дискриминација, која започнува да работи според новиот закон и ќе одредува кој и по која основа е дискриминиран во општеството.
Но истовремено Собранието не успеа да гласа за избор на новата Комисија за заштита од дискриминација , поради немање кворум. Пратениците од ВМРО-ДПМНЕ реагираа дека при изборот на кандидатите повторно доминирале политички и партиски критериуми, така што, иако најавија дека ќе гласаат „воздржано“, ја напуштија салата.
Инаку како седум членови на Комисијата за спречување и заштита од дискриминација со мандат од пет години избрани се се правниците Игор Јадровски и Неда Чаловска Димовска, како и политикологот Лимко Бејзароски и лекарот специјалист по семејна медицина Ирфан Деари. Тригодишен мандат добија политикологот Кире Василев, магистерот по правни науки Исмаил Камбери и психологот Весна Бендевска.
Претселателот на парламентот Талат Џафери ја прекина седницата и најави дека дополнително ќе закаже нејзино продолжение.
Инаку за постсетување за седум членови на Комисијата се кандидираа 44 кандидати меѓу нив личностите зад кои, како што се знае, стои научната јавност, но и невладиниот сектор. Личности за кои, се знае дека биле активни, ја знаат таа област и можат да учествуваат во заштитата од дискриминација. За потестување меѓу тие 44 кандидати имаше и кандидати Роми, кои одговараа на сите критериуми и квалификации за зибор во самата Комисија.
Од кои причини не влегоа тие на таа листа избрани останува нејасно. РДС се прашува поради сензибилноста на работата на оваа Комисија повеќе од потребно беше во нејзиниот состав да има чен и од Ромската заедница, која со години и во сите Извештаи од домашните и меѓународните набљудувачи и органбизации се потенцира токму дека Ромската заедница е една од најмаргинализираните и надискриминирани во ова општество.
Истовремено РДС потенцира дека и во самиот Закон и членови при избор на членови на Комисијата за спречување и заштита од дискриминација во Член 16 точка 5 недвосмислено стои:
„ Членовите на Комисијата треба да го одразуваат составот на општеството во целина и при изборот на членовите на Комисијата се применуваат принципите за соодветна застапеност на сите општествени групи, начелото на соодветна и правична застапеност на припадниците на заедниците и родово балансирано учество.„..
Истовремено и во членот 17 - Услови за избор на членови на Комисијата, за член на Комисијата може да биде избрано лице кое ги исполнува следниве услови:
1) да е државјанин на Република Северна Македонија;
2) да има стекнато 240 кредити според ЕКТС или VII/1 степен на образование и има минимум седум години работно искуство од областа на човековите права од кои пет години во областа на еднаквост и недискриминација;
3) во моментот на изборот со правосилна судска пресуда да не му е изречена казна затвор од над шест месеци или забрана за вршење на професија, дејност или должност;
(4) да не е носител на функција во политичка партија.
Според сите тие параметри например еден од кандидатите – Роми кој поднесе своја кандидатура и беше поддржан и од невладиниот сектор беше и м.р. - Мухамед Точи кој има над две децениско искуство токму во овој сегмент во невладиниот сектор. Зошто не е меѓу избраните тоа им е познато само на тие кој беа во Комисијата. И за чудо ова е веќе втор пат (прв пат и во 2018 година) не беше избран.
РДС прашува зошто и до кога Ромите ќе бидат „ескивирани„ од државата по ова прашање. Што е толку „проблематично„ ако се избере Ром/ка во таа Комисија? Кој се кочничарите?
Воедно РДС прашува: Што ќе превземе Љатифа Шиковска, единствен ромски пратеник во македонскиот парламент, за да се сочува и гарантира партиципација на Ромка / Ром, во Комисијата за спречување и заштита од дискриминација?
И за крај како потсетување во Законот за Комисијата за спречување и заштита од дискриминација во Член 18 во делот Постапка за избор на членови на Комисијата во точка 4 стои:
„Доколку Собранието не избере членови на Комисијата, постапката за избор се повторува во целост со објавување јавен оглас веднаш, а не подоцна од рок од десет дена.„
Па господа Парламентарци еве ви шанса за да ја исправите направената неправда кон Ромската заедница. Одважете се!
