Sebepi o duj agorutne incidentia tari rig taro napendžarde persone (angleder jekh kurko frdimi bomba an i avlin romane khereske a idž erati thardo kher tari javer romani familia) ki zagrebsko romani mahala Kozari i Internacionalno Romani Unia thaj olakere membria tari Hrvatska thaj Slovenia o Kasiero taro IRU Veli Husein thaj o viceprezidenti taro IRU Jasmina Ahmetaj thaj i korkoro organizacia rodingje tari Hrvatska pobaro džovaplipa thaj arakhiba faisali te čhinavevn pe akala atakia upral o Roma.
Premasl o IRU sar Internacionalno Organizacia kerel zori aso i agenda thaj Statuto taro IRU te čhinaven pe sa o forme tari diskriminacia thaj terori e Romane Naciake ko sako kotor e lumiake analogno thaj akala aktia an i Hrvatska thaj sar so si okova da incidenti an i Bugaria kote personalno o prezidenti taro IRU o Zoran Dimov dengja reakcia, protest - nota dži ki bugariakiri ambasada thaj sine le dikhiba e manušencar tari odoja institucia. Ko jekh o IRU kerel zori bašo stopiriba o Anticiganizmo thaj sine leskiri centralnio tema ko diskusie so kerel o IRU ko vakti taro mitingia ki Briselo sar so si o mitingo ki Konsilo e Europakoro thaj Europakiri Komisia thaj ko mitingo so ka oven ko Bon thaj Berlin. O IRU na ačhovela akate thaj ka kerel maripa bašo čhinavipa o terori upral o Roma.
Ko jekh o Veli Husein thaj i Jasmina Ahmetaj pali olengiri sugestia thaj reakcia e dizjakoro šerutno e dizjake Zagreb o Milan Mandić notiringja kote prekal o Centari bašo socialno buti ka arkahel e atakujme familienge thanjariba sar alternativa thaj humanitarno arka, thaj majsig ka arakhel alternativno lokacia, kote ka šaj majodorig te dživdinen plo dživdipe akala romane familie. Trujal sa sine notirime kaj i Hrvatsko thasj o institucie ko majsig vakti te keren reakcia te arakhen e manušen so kergje atakia thaj te kerel pobari kontrola ko thana kote so dživdinen o Roma.
