Respektirime rajo Novoselsky
Llamav te dav tu informacia kote an o periodi taro 20 dži ko 26 aprilo akava berš sar Prezidento an o IRU thaj i delegacia taro IRU ka ovel amen oficialno mitingo an o Strazbur, Brisel thaj Berlin membroncar so si importantno so keren buti an i romani integracia thaj zori an o demokratično integracisko procesia. Ko jekh ka dav raporto thaj informacie bašo butiukeripa amare mediumenge so keren buti vash i Romani problematika thaj tematika.
Akalea kamav te dav akcenti an o dikhibva taro fakti ko plasmano dezinformacie thaj selektivno informiriba, afirmacia thaj lobi vash jekh grupa manuša. Ka dav informacia bašo naadekvatno thaj naprofesionalno forma taro informiripa kote desave informacie (e maila) na dena pe, jali čhiven pe an i forma kote o PC automtikane detektirinel olen sar SPAM mesažo thaj an i odoja forma sikaves tiri antipatia mujal o IRU thaj mujal mande individualno. Kontra odolestar tire (tumare) informacie so plasirinena , mukhea dži ko manuša , organizacie thaj aver so tumenge si ok thaj paše.
Palo odova ka dav thaj aver informacia kote sa okova so deja sar informacia dea salde taro aktivitetia taro IRU Latvia, formaja so kere devalvacia amare aktivitetenge.
Ka notirinav o momentioa baši tiri selektvno forma buti thaj informacia , kote anel pe haosi ko naprofesionalno informiripa thaj butikeripa.
Odoleske ka dav propozalo dži ko manuša thaj o institucie kote ka ovel man mitingo ko avutnipa te ignoririnen thaj te len le rezervaja sa tumare informacie an i konekcia hulavipa thaj favoriziriba jekhe rigate (Nortmund thaj tumari ekipa) thaj teleperaviba taro IRU kote me sem legalno membri sar prezidentno thaj mujal mande individualno! Te akcentirinav apsolutno na sium kontra te den pe informacie bašo aktivitetia taro Nortmund thaj i ekipa, tu šaj majodorig da te de odola informacie so si korektno thaj demokratsko, numa trubul fer thaj demokrtasko em profesionalno te de informacie thaj amare aktivitetia ko netvorko kote sian tu redaktoro thaj administratori.
Odova buteder droma sine tuke vakerdo thaj te šaj mukhe amare da aktivitetia sar informacia. Odova sine tuke rodimo thaj rgatar aver manušendar sar egzamplo o Grattan Puxon,Ašmet Elezovski thaj avera. Numa tu palem kere sar te na šungjan odova.
Ko jekh ka dav informacia bašo tiro agorutno apelo kote rodea 10 dolaria tari sako individua, organizacia thaj aver sar žutipe, te šaj kontinuirime te kere tiri naprofesionalno buti.
Rajo Valerij akava miro lil nane bičhavdo tuke sar daravipa , an i konekcia taro tiro stilo informiripa, numa si reakcia taro naprovesionalno thaj nademokratsko informiripa tari tiri rig! Miri reakcia si soske me da sem sar jekh forma mediumsko bukjarno , thaj siem an i akaja profesia upreder 25 berša!
Respektea - Zoran Dimov
Prezidenti an o IRU
