An i konekcia e cirkularno lilea tari rig e Nortmund Rudević dži sa amende thaj ko plo liloro dži ko Grattan Puxon thaj ko mlo anglutne dendo lil an i konekcia e avutne 10-toIRU Kongreso an o Skopje ko 18 marti 2016 berš.
Respektirime amalalen, phrala thaj phena Roma . Miro amal Nortmund ov sasto bašo to liloro.
Me na buvljarav hovavne informacie thaj te teleperavava nikaste. Me na sium kontra mujal o Roma an i lumia. Me hulalav okova so dikhav, džanav thaj šunav.
Akava lil kerdjum an o anav ko mlo anav thaj an o anav sa me phralenge thaj phenenge Roma an i lumia. Jertisar man so miro liloro si hramosardo ko jekhutno čhani te šaj havel sako amendar thaj nane nisavi diplomatia. O diplomatia si naRoma. Amen sem Roma. Me šaj hramosarav majbut numa nane man vrjama.
Sar so džanasa amende isi amen an i sasti lumia. Isi amen nekobor lideria thaj aktivistia so si patriotia. Ola si gogjaver thaj te frden ple love te džan an o mitingora te den piri vota aver te ovel lideri. Ko principo ola vakerena :"Soske avereske, a na mange?" Sako drom pulaja amen "So si ov majgogjaver mandar. Ola si majdile mandar. Kobro siem amen nacia. Na pobut taro 100 thema an i lumia. Savore amen džanasa amen amškar amende.
Ni jekh them thaj i nacia nene hulavde maškar peste sar so si o Roma hulavde. Odova si o motivo so nane amen amari them. Ko avdive pučel e Romen? Soske but Roma si hulavde taro institucie? Soske pobut si uže. Ok pakjava kaj asavke siem dende e Devlestar. Amen ni jekh drom na kerdem maripa, ekonomsko kriza. Amen sem majtromali nacia an i lumia.
Nane amen Sekjuriti ofisia an o9 thema, sar so isi avere themen. Amen na mudradem nikaste. Amen sem majuže thaj amare vasta nane melale ratea. odova na kerde ni amare pšhure parapua. Numa ko sem amen o Roma an i lumia?. Palden, diskriminirinena thaj upral i baza taro amaro nacionaliteti, rasa. So te kera.
Savore amendar kerel maripa mujal diskriminacia an o globalno nivelo. Save si o rezultatia? Nisave! Ko si šoalo amenge e Romenge so sem prosečno intelegnciaja. Ko si amenge došalo? Došale sem korkoro amenge. I doš kote rodel pe? O mačho khandel taro šero. a odova si amende i doš trubul te rodel pe taro amare romane lideria.
Hulavde amen sem jekh baro - ZERO.
Ko akava konteksti pučava: Kobor vakti si hardžime an o mitingia, konferencie tribine thaj aver iniciative thaj kasek daja raporto?.
Soske na kera jekh drom čačutno a ana režirime Kongreso? Amen sem čorole, pukjinaja tari amari čorolo konto. Akana ko akava 21 veko an i moderno tehnologia taro internet sistemo, socialno netvorko thaj aver telekomunikacisko sistemo šaj kera aver mitingo. Amen savore šaj ova ko0 jekh than savore so kamas lačhipe amare naciake thaj kauza
Šaj te alusara bizo te pukjina taro amro konto. Te na ova so manga devlkenge. Ko odova čhani šaj užarel pe o anav taro IRU thaj te alusara e čačune prezidento lideri so ka ovel.
O gadžo nikana nane te lel amen seriozno., amšakr amende ka ovel sako drom hohavne thaj palem ka ova majtele. Sako drom ka ova hulavde ko tikne grupe.
O Gadžo nane te dikhel amare bukja. Te sine amare membrora an i Europakiri Komisia, EU, Europakoro Parlamento thaj aver institucie, ka šaj amaro manuš khuvel vastea an i mesali te šaj te šunen amen thaj haven.
Odolea šaj te ovel aver, bizo status kvo. Ko liloro taro amro phral o Nortmund havljarel kaj e Čoaba ka ikavel anaglal Internacionalno Kriso. Odova sikavel kaj o Rom ikavel i jakh e romeske. Aver keren amenge akana amen maškar amende. Akana o Rom kastar ka arakhel pe. Korkoro pestar jali averestar. Lačhe si kana kerel pe feleri. Te kergja bilčačhipa trubul te džal an o kriso. Numa savo? Kote si akate amaro Romano kriso? Kote si i amari tradicia akate? Savore džanaja kaj šaj keras kriso Romeske aso amare tradicie thaj kanonia. sar so kerde amare parapaua.
Ko jekh vakti dikhas kaj o Nortmund kerel buti. Odova si lačhe. Šaj kerel lačhipa e Romenge. Numa okova so sar me dikhava o Nortmund si akava: Soske na arakhel vrama te del informacie vaš lende akcie, decizie thaj aver aktivitetia Na bičhavel nesave lila. A akana kana ikerel pe o Kongreso del reakcia bičhavel lila, sugestie thaJ aver.
Soske ov kerel reakcia? Soske aver ni keren reakcia? Soske ov daral. O aver dile si? O Nortmund si majgogjaver. Soske o Nortmund rovela?
Sako amendar si le niami te kerel iniciativa vađ Kongres IRU, hari jali majbut lovencar.thaj te ovel prezidento. So si o problemo? Sako šaj kerel Kongreso ka akahrel 5 parlamentarcia, 2 ministeria taro Govermento, 10 mediumia 400 Roma an o festivalo, 5,10 jali 40 thema te len than an o festivalo, thaj agorkergja i buti.
Okova so kamav te kerav potenco respektirime phrala thaj phena. Kamav te vazdav i gnd tumende. Sa dji kote djasa odole logikaja odova ka ove amencar. te na kerdjem odova ka ačhova majpalal. Kana siem unime telal vunato-harialo flago thaj i loli rota - čakra. ka dža amen an o progreso. Pativaja, historia, kultura, tradicia, folkloro amenge thaj avutne generacianege.
Dikhasa kaj o Zoran Dimov kamel te kerel Kongreso. Lačhe jali bilačhe ka dikhas. Gndinav kaj savore romane partie an o 18 marto 2016 berš te aven an o Skopje. Te ova savore te dikha sa o čačutne motivia. Te šaj dikhel pe o lačhe jali bilačhe mangina. Te sine kerde feleria ka prependžaren pe. Te sine bilačhe butja ka kerel pe o Kriso. Ka definirinen pe sa o decizie saste koncenzisticionalno. Te sine hulavipa ko duj kotora lačhe si te ovel pozicia thaj opozicia numa na hulavde an o milja kotora.
Anmen sem Roma thaj te ova savore jekh aso aver čačutne, na hovavne.
O Skopje te kerdja notifikacia vash o peravipa taro IRU ka ovel diskusie thaj debate. Te trubul ka ovel majbari koordinacia. te dikhel pe ko si bašo avutnipa taro IRU.
Ko trubul te ovel lidero amaro Prezidento. Ka ovel le sasto telikeripa.savorendar. O IRU te sikavel o čačutno realiteti
O Devel te del tume sasitpe baht tumenge thaj tumare čhavrenge
Sa majšukar
Toma Nikolaef Mladenov
