Dikipaja o fakti vash o principora tari bukji taro starto an i funda tari Internacionalno Romani Unia - IRU an o 1971 bersh an o London, thaj an i realizacia e principonge vash i buti, kote sar jekh seriozno Internacionalno Organizacia si la piro Statuto thaj dikhipaja o aktora, thaj aso aktuelno situacia thaj realizacia an o plania taro aktuelno membrora an o IRU ko anglutne kerde mitingia, khidipa thaj aver taro aktuelno legaripa, a te ikeren pe sa o norme thaj procedure, i IRU organizacia thaj olakoro legaripa (Prezidento, Parlamento, Kabineto thaj aver) majsukcesiale keripa buti ko nakhlo periodo sine la nekobor konsultativno mitingora thaj dikhiba, komunikacia kote kotor olendar si kerdi thaj realizacia.
Palo agor taro Parlamentarno dikhipa an o Skopje -R.makedonia kote than lele delegatora, prezidentia thaj aver membrora taro aktuelno IRU thaj kerdo realusar an o neve pozicie -funkcie sine ando plani thaj realizacia. Jekh olendar sine te kerel pe nevo 10-to Kongreso vash o IRU. O majodorigutne aktivitetia sine legarde an i realizacia akale importantno planeske, thaj sine kerde pobuter dikhipa, mitingoja, e mail konverzacie, kontaktia thaj koordinacia e membroncar taro aktuelno IRU. Upral i funda e funkcioniripaske vash o IRU principora palo nekobor lungovakteskere komunikacie , thaj dikhipaja kote phagen pe o aktora vash o IRU Statuto , kote shaj sine te kerel pe olakiri eliminacia te shaj o IRU funkcionirinel sar trubul majodorig. I refleskia thaj o zuralipa so dela pe sine te shaj kerel pe majlachi regulacia e principonge, te shaj kerel pe majlachi implementacia , thaj upral i funda taro defakto peravipa e Statutoske ko fundavno principia e IRU organizaciake tari riog taro desave IRU membrora (a so Statuto vash o IRU o membria 19, membro 23. akto 2, membro 29 thaj membro 31 vash IRU Statuto) sine andi angliminiralno decizia vash ikeripa o 10-to Kongerso an o IRU an o Skopje taro 18 dzi ko 20 mmarto 2016 bersh. Pobuter droma o Parlamentarno membripa, o IRU Kabineto, Kriso thaj aver kergje dikhiba, mitingoja, konsultacie thaj komunikacie , kote o jekhto sine an o 18 dekemvri 2015 bersh, palo anipa i "Sofisko deklaracia", vash ikeripa o 10-to IRU Kongreso , a an i koordinacia e Komisiaja vash i realizacia, thaj ola deibe deklaracia - "dekreto" , an o 13 januari 2016 bersh . I Komisia thaj o IRU Kabineto a ko jekh kotor taro IRU Parlamento kote si ofiso an i Viena - Austria, ko plo agorutno khidipa -mitingo so si ikerdo taro 04 dji o 06 fevruari 2016 bers an i Viena -Austria, a aso IRU Statuto (membro 17 akto 2) andi si akaja:
D E C I Z I A
Vash organizacia thaj ikeripa e 10-to KONGRESO tari Internacionalno Romani Unia - IRU an o Skopje, Republika Makedonia taro 18-20.03.2016 bersh
I Decizia vash organizacia o 10-to Kongreso an o Skopje, sine dendo an o dikhipa upral o anglutni ando deklaracia upral i funda tari anglutne andi sofisko deklaracia taro 18.12.2015 bersh , thaj so sa o membria taro IRU Kabineto djanen sine anglutne. Odova sine :
1. Dorin Coaba - Presidento an o IRU
2. Stevo Balog - Presidento an o IRU parlamento
3. Zoran Dimov - Vice presidento an o IRU
4. Stefan Kuzichov - Vicepresidento IRU parlamento
5. Antin Conka - Vicepresidento IRU parlamento
6. Orhan Galjus - Vicepresidento an o IRU
7. Ramush Muarem - Gen.sekretaro an o IRU
8. Stefan Palison - Presidento an o IRU Kriso
9. Mite Hasim - Vicepresidento IRU Kriso
10. Jonas Jonson - Vicepresidento IRU Kriso
11. Veli Husein - Gen.sekretaro IRU parlamento
12. Gregori Larlund - IRU Tresoro
13. Oleg Kozlovsky - Vicepresidento IRU
14. Adam Aladar - Vicepresidento IRU parlamento
An o korkoro akto vash o votiba thaj validiteti e DECIZIAKE olake piri vota dende: 9 (enja) sine VA, 4 (shtar) membrora - NAUTRALNO, thaj 1 (jekh) membro sine MUJAL.
Ko akto kana si havljatdi akaja DECIZIA , plo than an o havljaripa than na lelja o rajo - Dorin Coaba, kaskiri vota si definirimi sar MUJAL
Aso i andi DECIZIA kerel pe starto thaj aktiviteto vash ikeripa o 10-to Kongreso tari Internacionalno Romani Unia - IRU so ka organizirinel pe an o Skopje -R.Makedonia taro 18-20.03.2016 bers.
Akava si akana PUTARDI AKHARIN - INVITACIA te shaj lel pe than an o akava Kongreso thaj odothe shaj avena:
- Sa o purane thaj jekhto membrora an o IRU taro periodo London 1971 bersh thaj majakari
- O aktuelno membrora an o IRU tari sasti lumia
- Sa o Romane organizacie, khidipa, ofisora thaj NGO sektoro tari sasti lumia
- Sa o Romane aktivistora an i sasti lumia
- Aver Roma so kamen te den piro aktiviteto vash o lachipa e Romane populaciake an o sa o segmentora taro djivdipas
Majtele si i Aplikacia - Invitacia - formularo vash leiba than an o 10-to Kongreso taro IRU an o Skopje
O IRU si jekh, savre sem IRU
Phralipa - Phenipa + Jekhipa = Zuralipa
Data: 05.02.2016 bersh Presidento
Than: Wien - Austria IRU Parlamento
Stevo Radul Balog
