Me se, akhardo an o duj Kongresia so trubul te oven jekh an o Sibiu, Romania, o aver an o Skopje. O Kongresi an o Skopje si notirimo bašo masek mart thaj i informacia majanglal reslja olendar. O khidipa an i Romania ka ovel jekh masek majanglal. Odova sar okova momento kana trin masek palo 9-to Kongreso nao Sibiu sine ikerdo 9-to Kongreso an i Riga.
Me pučava man soske odokhar sigjarela pe? O Statuti vakerel trubul te kerel pe informacia trin masekoja majanglal. O urgentnost taro akala Kongresia ikljol taro o organizatoria ko te ovel majlegitmimno an o EVZ, EU thaj UN.
So si o EVZ? Ola keren buti majanglal buti vaš kompenzacia e viktimenge taro Nacistikano genocidi. Ko raportia taro EVZ tergjol kaj dži akana pukjimi kompenzacia si bašo 70.000 Roma. O love si lačhe, numa e mulen vazdingje li ?
So legarel pe dži ko EU , si pakjiv kote ka konektirinen pe majpaše dži ko EK thaj ka anel love an i organizacia. Ko UN o Roma si thanjarde zero, soske nane aktiviteti.
Odova phare si te ovel palem dživde em aktivno ko UN. Devla barea ko savo haosi arakhaja amen?. Ko momenti kana i Romani historia si ko o dujto genocid si havljardo sar ko vakti tari nacistikani Germania. O IRU si hulavdo ko rivalsko frakcie. O ERTF taro dendo efekti, kote si olengoro partneri thaj o IRU (savo IRU?), šaj anel em bari ladž. I sasti situacia si bari ladž sa e Romenge.
Baro si mazunipa thaj tzaro korkro proklamirime lideria kote bistergje ple dende lafia kaj ka maren pe mujal i marginalizacia so keren o aver premal i romani nacia.
Me nane te avav ni ko jekh taro o duj havljarde kongresia. Na taro politikane karane. Me sium phuro, nasvalo taro kanceri. Soske akava hramosarav? Neko ko FB vakergja kaj trubul te penzionirinav man thaj te mukhav e ternenge generacienge. Me sium akate sar purano aktivisti thaj te ovel mlo akava agorutno aktiviteti. O avutnipa si ko tumare vasta. Me sium aktivno 50 berša thaj vakti si te džav mange. Odova ka sikavel thaj i natura. Numa angjum decizia sar te dav džovapi - antvorto ko akala duj akaharina. Te našti te džav sar ka šaj te kerav aktiviteti ?
Mli pozicia si bašo o Kongresi ko Skopje. I Šutka si mlo than soske dživdingjum odothe nekobor berša ki prandin. Kana leljum o aktiviteti palo 1971 berš palo 1 Romano Kongresi. E Kongrese si le mpobaro legitimiteti taro okola duj IRUa. Ko London kana kergjem o Kongres sine lokheste kana havljargjam. Numa na sine amen mandati thaj zori te kera trampa. O Konmgresi sine saste patriotski . I tehnologija akana geli anglal thaj čače šaj dela validno romano mandati. Odova šaj ovel bašo desavo berša. O potenciali taro nekobor milionia Roma te len than ko elektronsko votiba ko legitimno alosaripa. Lokalno NGO sektori, mangen akaja forma elektronsko forma votiba , kote so neko kerela kote ka abjrol o kapaciteti thaj o legitimiteti.
Akanutni forma anel pe nalegitimno akti nangi demokratia, alusaren pe manuša so nane len kapaciteti . Akava si 40 - 50 berša napalal. Vakti si bašo nevo momenti. Ni o Kongresi ko Sibiu thaj an o Skopje našti anen urgentno trampe thaj progresi. O bibukjranipa,. edukacia sastipa thaj aver, o problemia akana si phare thaj nane desavo konkretno decizia. O EU na reslja odova te kerel, nane te šaj te keren ni o IRU ni ERTF. Numa isi diferenca so šaj ovel. Ko Skopje isi šanse urgetno trampa e Romenge. O Skopje akaharel thaj e Riga te lel than ko Kongresi. baši demokratska tranzicia. Ola roden thaj taro terne thaj o purane aktivistia te len than So ka del pe legitimiteti savorenge. Odova si an i Srbia thaj Ungaria prekal Nacionalno Konsilia. O romane mandatia trubul te oven politikane jekhipaja. So ka ovel lačhe?.
O mangin e naciakiri ka ovel sikavdi ko učo nivelo kana ka pučel pe o "Suvereniteti e naciakoro" Ki urgentno trampa kana o simantre si phanle kana siem populacia bizi them pakjava kaj šaj kera lačhi organizacia . Intenzivno i romani diaspora buvljarel pe ko buteder thema thaj kontinentia te šaj kera majlačhe kana ka istemalkera o dende potencialia. I tehnologia si amen an o vast. O Kongresi an o Skopje ka del amen okova so o aver Kongresi na del amen šajdipa baši transformac thaj demookrtasko tranzicia. O 10-to Kongresi an o Skopje isi kava momenti an i pli agenda te kerel Independientet Komisia so ka trubul te dikhel sa o problemia, tehnikane, praktikane, politikane bašo elektronsko votiba te kerel pe lačho sistemi.
Ki Bari Britania , o Romano jekhipa fundirime an o 1966 berš si testirimo asavko principi, ai Liga e Romengiri an i Srbia na angja decizia akaleske.
Sar so pakjala pe kaj akava sistemi šaj anel pe dži ko 2020 berš Šaj te dikha ko socialno mediumia isi pakjiv baši demokratizacia.
Oj valjani te kerel konekcia sa okole marginazilirime, inkluzirime romane jekhina so si an i socialno thaj rasno diskriminacia sar ko vakti taro neonacistia.
Pakjav kaj o 10-to Kongresi an o Skopje ka ovel ko vasta sa e Romenge thaj ka iranel pe i demokratia. Si amen o instrumenti an o vasta. Te kerel pe baro demokratikano bešipa . Akharav savoren bašo fundamentalno trampe. Te len than an o Kongresi an o Skopje ! O Sibiu da valjani te lel odoja propozicia thaj te mukhen sa pali pestze. O progresi trubul te džal angle thaj te peravel pe i impotencia. Te sikava i revitalizacia e Romengiri so ačhili milja berša kote na resle dži akana te resen o standardia.
