Интернационалната Ромска Унија - ИРУ е длабоко разочарана и воедно најотворено реагира во врска со настанот кој се случи во Сабота 19 јуни 2021 година во Теплице - Република Чешка. ИРУ реагира дека целиот овој случај сака да се минимизира, и да му се даде поинаков правец. На тоа асоцира и изјавата на чешкиот министер за внатрешни работи Јан Хамажек им дава отворена поддршка на полицајците кој според индициите можеби и се одговорни за смртта на младиот Ром. Уште поалармантно е дека отфрлаат секаква одговорност од себе и дека причина за смртта е употребата на дрогата од страна на починатиот Ром. Очигледен е пасивниот однос на полицијата кон овој случај, и затоа ИРУ го повикува чешкото МВР, чешките државни институции, и воедно европските институции овој случај да биде приоритет во негово расветлување и темелна истрага која ќе биде јавна и транспарентна.
Истовремено ИРУ на секој начин ќе направи напори, овие случаи и слични на него во иднина да не се повторуваатм и да им се стави крај на овие постапки без разлика каде и да се случуваат. ИРУ ќе го мобилизира своето членство и партнер организации и ќе ја следи состојбата, и на секој начин пред сите институции ќе ги брани интересите на Ромската заедница. Тоа подразбира, борба против секоја бруталност врз Ромите и нивната дискриминација. Со почит Зоран Димов, Претседател на ИРУ- 23.Јуни 2021
