Sar ikeriba seria diskusie thaj aver o CEU angleder deš divesa ikergja interesno konferencia kote than lele o Centari Romane Niamenge an i Europa thaj o Amerikansko aktivi bašo civilno niamia. An konferencia sine miksi taro diskutantia so sikaven sine o džanlipa thaj praktike sar te anel pe agor e problemeske.
An i akaja konferencia plo lafikeripa sine e Direktore taro REF o Anrdžej Mirga kote notiringja kaj o probleimi šaj faisalkerel pe salde te kerel pe reparacuia e šerutne protagonistenge thaj o institucie so keren buti an i akaja problematika
Ov akcentiringja sar egzamplo o institucie so si ko 4 niveloja thaj grupe. O Romane membria si konketirime an o diskusie, numa ni jekh drom nane len šajdipa te anen decizie. Akaja hierarhia našti anel lačhe rezultatia. O institucie a amjbut o univerzitetia šaj anen tramša ka konektirinen pobut teme bašo antiromano hošipa, te šaj avel trampa e percepciake. I Flora Laslo sar egzekutivno direktoro e UVVU fondaciake vakerel kaj i politika socialno inkluziake našti te ovel sukcesiali te na eleminiringje pe o stereotipia upral o Roma. O jekhina si len džovaplipa te zojrakeren o ternen an o univerzitetia, NGO sektoro te šaj vakeren plo džanlipa te šaj majlokheste faisali e problemeske.
