По скандалозноро писмено барање од страна на европратеникот од Бугарија Ангел Џамбаски кој го упати до Националниот кризен штаб против Коронавирус во Бугарија „да постави контролни пунктови на влезовите на сите гета како национална мерка“ , најголемата ромска организација во светот ИРУ и нејзиниот претседател Зоран Димов реагираше дека ова барање е дискриминирачки, националистички и воедно кршење на човековите права , движење и слобода.
Тој во име на ИРУ се огласи и рече дека ќе испрати протесно писмо, како до бугарската амбасада во Скопје и до сите релевантни меѓународни организации и институции.
Во своето писмено барање Џамбаски ги замоли бугарските власти да ги „затворат“ областите населени со етнички Роми, како мерка против ширењето на коронавирусот, што значи дека само ромските населби во градовите се потенцијално „жаришта на инфекција“.
Како резултат, некои бугарски градоначалници одговорија на оваа жалба со наметнување на етнички засновани ограничувања на движењето на Ромите кои не биле применети за жителите што не се Роми - крајно опасен преседан.
