Majbaro presedani kerel o EVZ - Erinnerung Verantwortung Zukunft, fondacia tari Germania! Akaja internacionalno fondacia so kjere zutipas e viktimenge taro Nacional socializmo, jali majpendžarde vakti kana an i Germania sine ko čekat o Adolf Hitler,
thaj vakti kana sine majbaro numero viktimia o Roma. O EVZ an piro Bordo taro Doveritelia trujal membrora taro Germaniakere institucie si la membrora taro diferentno them thaj Organizacie so si ambrela manjoritetenge, thaj eštablirime organizacie. Napalal nekobor berša i Internacionalno Romania Unia - IRU, dela pire membro ano kava Bordo. O funkcioniripa taro EVZ si kaj sa o membrora rotirinen ko sako 6 masekoja. Taro IRU sar agorutno membro an o Bordo taro EVZ thaj Doveritelia sine o Dorin Čoaba. Akana ko 15 decembro 2015 berš trubul te ovel nevo notirime membro taro IRU an o Bordo ko EVZ. Numa džanlipasa kaj o IRU kaskoro prezidento si o Dorin Čoaba si oficialno organizacia so si an o EVZ, o nalegitimno prezidento taro IRU tari Latvia o Nordmunds Rudevič bičhalda piri aplikacia kaj si ola validno IRU kaj si ov legalno prezidento, thaj ov te ovel ko Bordo taro EVZ!
O Rudevič apliciringja hovavne štembiloja, bizi oficialno registracia taro hovavno IRU thaj khuvgja ko EVZ sar membro taro IRU. Džanlipaja kaj o EVZ del proektora so si učipaja taro nekobor milionia eura so si konektirime e Romencar tari lumia, o Rudevič kamel te kerel malverzacia odole lovencar ko pire privatno proektora sar so si i kampanja taro "hovavne romane pasportia". O EVZ šaj namangle te khuvel ko politikane implikacie thaj te kerel baro feleri te dengja i decizia o falsifikatori Nortmund te čhivel ko Bordi taro EVZ.
Akalea o Normund thaj oleskiri kriminalno IRU sikaven o bare apetitia bašo love so kamen te len upral o dumo taro Roma. A o EVZ sar seriozno fondacia šaj te kerel bari peravipa upral o oficialno procedure.
