Respektirime membria, delegatoraan o IRU, phral thaj phenjalen , amala thaj aver Roma!
Kamav te hulavav tumencar miri percepcia thaj opservacia e konferenciake an o 27 thaj 28 novemnro 2017 berš an o Briselo, Belgia ko vakti tari prezentacia e Romane Platformake so sium sine odothe sar membro taro IRU
Ko starto te akcentirinav kote akaja prezentacia e Platformake sine jekh forma "agorkerdo akto" bizi šansa te del pe vorba , diskusia, notacia , polemika thaj aver tari rig aver manuša Roma so sine odothe ko anav taro romane organizacie.
I konferencia sine kerdi salde desave notirime manuša te keren prezentacia, te den raporto thaj dende strategie an i konekcia e Romane platformaja, bizi debdi šansa te kera debata, diksuia thaj aver amen o Roma so avilem an i akaja prezentacia
Ko jekh amen sar IRU thaj but aver romane organizacie an i Europa sar so si - ERIO, ERTF thaj avera na siam sine an i situacia te da anaro dikhipa thaj te prezentirina i akruelno situacia e Romencar sar nacia an i Europa!
Miri percepcia akale bukjengje kaj si vakti sa amen o Romane organizacie bizi diferenca kotar si ola, trubul sa amare nahaljovina, holi thaj konfliktia te čhuda an i rig, thak an o anava vash majšukar tajsa amare Romane naciake te kera savore sar jekh thaj koordinirime aktiviteto , bizo te dikha thaj te sikava amen sar lideria thaj funkcioneria an o amare organizacie.
Džanlipaja kote but love so si dende e Romenge taro buteder fondora, numa but hari si dende ko čačutne situacie e Romane naciake. A so asavke da persone thaj manuša so sikaven pe sar čačutne lideria an o anav e Romane aktivizmoske thaj " čhiven pe" an o europakere institucie, but droma akceptirinen thaj okola proektoa thaj strategie so si bizo efekti thaj bilačhe e Romenge , numa aso i implementacia e proektenge aktivno lena than , thaj den pe bare love so si dende e Romenge te den ko kuč transporto, luksuzno hotelsko akomodacia thaj lačhe dende plate thaj honoraria odole konferencienge.
Me gindiv kaj si but majpraktično odola dende bare love so dela i Europa e Romenge te implementirinen pe an i strategia e Romenge so keren migracia thaj roden azilo an o thema taro EU, thaj palo odova firden olenegere aplikacie aziloske thaj keren olenge deportacoia palal an o thema kotar avile, te keren plano te lačharen olengoro standardo dživdipaske odole Romenge ko pire biande thema te impelemntirine lačhe strategia barabutne i biandi them e Romengir thaj i EU.
Odova ka ovel majbaro em efektno strategia te faisalkeren pe odola problemia, numa so den pe love an o trapsorto, hotelsko luksizno akomodacia thaj lačhe honoraria em aver.
Akana šaj te pučas amen - Den pe bare love , numa o dživdipa e Romengoro si bizo lačho efekto. A ko jekh sa odola "protagonistora" so den o droma taro implementacia e proektonge dži akana nane len dendo raporto thaj elaboracia bašo legitimiteto thaj reslo benefito thaj sukceso an i realizacia thaj implementacia.
Sa odola lende akcie so dži akana nane nisavo pozitivno efekto thaj rezultati ka den li piro propozalo thaj te den piro džovaplipa ?
Ko agor jekh apelo tari miri rig dži ko savore so keren buti thaj aktiviteto bašo majlačho avutnipa e Romane jekhinake. Te bistra sa amare personalnp thaj grupno intereso, sa amare nahaljovina thaj konfliktia , odoleske taro 2018 berš te kera konstruktivno dialogo thaj koperacia thaj dialogia vash sukcesialo aktivitet an o anav e Romane naciake.
Odoleske vakerava an o 2018 berš te legarel amen i parola: "Savore sem majyorale / te sikava jekhipa anglal o EU"
Respektoa
Zoran Dimov
IRU Presidento
