Rajo Dorin Čoaba
Managaja te da tumen informacia na i konekcia tumare lilea sar reakcia bičhavdo ko 4 Noemvru 2016 berš dži ko Michaël GUET - Sekretaro an i Ad Hok Komiteto bašo Eskpertoa e Romenge thaj Travelengere problemia (KAHROM) so si kotor taro Europakoro Konsilo thaj mangen te keren tumenge promocia tumen sar agjaar anavkerdo "IRU71" kaj sien o valdino thaj čačuno IRU!
Ko tumaro lil dži ko KAHROM trujal o aver džana majodorig tumare falsifikatea kote akaleske si informirime thaj i EU, Europakiri Komisia, o Konsilo Europake thaj ko jekh internacionalno kriso institucie so keren aktiviteto an o internacionalno jurisdikcia thaj kriminalo.
Ko tumaro lil isi but faktia so taro jekh drom chidena analiza thaj rodaripa bašo kerde falsifikatia thaj kriminalia.
Majnaglal vakerena kaj o "IRU71" si validno organizacia, numa isi amen pučiba dži tumende! Kote si i registracia tari odoja tumari "IRU71"?
Savore džanen kaj o ofiso si an i Austria - Viena!
Tumaro IRU71 si le ofiso thaj registracia ki tumende khere an o Sibiu, Romania!
Akana avel aver pučiba, čače li si odothe da i registracia thaj si li oj lokalno jali nacionalno NGO organizacia an i Romania, a nane la internacionalno prefikso. Odova sikavela kaj si falsifikati registracia!
O konto taro IRU ko jekh si an i Austria , Viena . A o konto taro tumaro "IRU71" Kote?. Odova džanel pe an o Sibiu, Romania! - Falc konto!
Panda diskutabilno fakti si:
To dat o Florin Čoaba sine alusardo sar IRU presidento an o aprilo 2013 berš, numa ko 18 avgusto 2013 berš mulo thaj o than presidento an o IRU ačhilo čučo. Del pe o pučiba kote sine o konto taro IRU ko odova periodo sine li ki Viena, Austria, jali sine e IRU konto thaj kote sine odova konto? Isi jekh interesno buti.
Nekobor masekoa palo odova saste ko 08 oktomvri 2013 berš (saste 50 divesa palo o meripa taro tiro dat) taro jekh drom si putardo nevo konto taro IRU thaj odova si ko Sibiu, Romania an i BRD - Groupe Sicuete Generale! Ko dengja dekreto te pharvel pe akava "nevo konto an o Sibiu? Ko džanel sine akale momenteske. Ko si okola so dena signatura an o "nevo" konto? Normalno sa odova si kerdo tutar thaj tumari "rumunsko" lobi, tu, o Gruia Bumbu thaj Georgeu Mihai. Sar dikehja tu odova? Validno si?. Akale momenteske ni jekh nadžanela sine, na sine informirime akale "transfereske" vash o konto!
Taro odova momento odova "nevo konto" sine an i funkcia salde tuke, thaj ko anava taro IRU a panda majbut kana tu sian sine "promovirime" sar "validno" presidento ko teganutno IRU, kana ko kerdo o Parlamento an o Sibiu palo odova iklilo kaj si kerdo sar "Kongres IRU" ko juni 2014 berš!. Savore amen ko odova periodo valoliziringjem le kote sine amen pativ kaj ka kere buti an o anav thaj lačhipa e IRU-ske.
Tu i funkcia sar IRU "presidento" legargjan bizo te de raporto bizo antvorto savi buti kerdjan, thaj raporto vash o finansie thaj i situacia taro IRU konto kote si o konto!
Ko agor kana dikhljan kaj avel agor tire manipulacienge thaj o membria na kamen panda te udžaren , tu "vazdingjan" tire vasta upre taro sa. Tu startujngjan te "khelinaja" šudro-tato , ko momenti mukhea i funkcia, ko momenti ačhovea ki funkcia!.
An o Parlamentarno khidipa an o Skopje ko noemvri 2015 berš kote tu da aviljan thaj tu da dengjan tiri vota vash ande decizie thaj aktia taro sa o IRU delegatia ko odova Parlamentarno khidipa, a palo odova "dikhljan" kote šaj arakhen pe sa tire kerde manipulacia thaj falsifikatia, taro jekh drom sa odova kere sine negacia thaj našavdiljan.
Ko jekh bičhave sine konfuzno informacie ko aver institucie te šaj garave tiro kriminali thaj manipulacie tire romansko grupaja so sine tuja sar IRU delegatia.
Našavipaja sa o pozicie thaj kredibiliteto anglal o membria an o IRU dikhljan kote nane šansa te kere eskivaža, odoleske tu astarea thaj kere "nevi IRU registracia" sar "IRU71"m kote o ofiso si ki tute an o Sibiu, Romania! Dela pe o pučiba an i konekcia tire "kontoa" si li akate nahaljovipa thaj kriseskoro akti so si tu mujal o Gria Bumbu thaj odola famozno 500.000 eura! Kotar tuke odola love? Ko savo konto pašlile odola love?
Ko jekh kana kere sine tire famozno "video konferencie thaj debate" ikave sine informacie bašo o baro numero tire membria koi tiri organizacia sat "IRU71", ama palo odova odola membria prekal piri prezentacia keren sine demant ko tire informacie thaj vakeren sine kaj nen ola membria kki tiri organizacia thaj olengere anavencar kere manipulacie anglal internacionalno institucie . Odova si ko video mesažia taro odola membria. Odova tu da lačhe džanea odova momenti.
Sa tire aktiviteti, konto, mitingo, kabineti, membria, , falc kongresia thaj aver tu ikeren len sa ko jekh than ko Sibiu, Romania! Ko sa so sikavel akava Dorino?
Akaleske amen daja tut garancia kote nane te nakhe sa akava lokheste . sa akale tire kerde finansisko malverzacie falsifikatia ka de antvorti anglal internacionalno institucie vash o Kriso thaj aver jurisdikciakere institucie.
Tu trubul te arakhe motivi , faktia tu thaj tiri grupa te arakhe faktia te kere demanto kaj na kergjen sa odola falsifikatia thaj kriminalo.
Panda jekh buti! Sa tire falsifikatia thaj kerde kriminalia amen sar IRU si amen dokumentacia thaj faktria em ka oven dende anglal o institucie krisoske tuke thaj tire grupake, thaj trujal e krisoskere grupe ka kerel pe thaj proceso mujal tumende taro IRU Tradicionalno Romano Kriso.
Zoran Dimov
Presidento an i Internacionalno Romani Unia - IRU
