O lungo udžardo revanš meči bašo lumiakoro šampioni ki phari kategoria maškar o Tajson Fjuri thaj o ukrainco Vladimir Kličko so notirime bašo 9 juli an o Mančester, akcentiringja o kako taro britansko bokseri thaj rom. O Piter Fjuri ko plo twiteri hramosargja kaj o meči so notirime thaj dopherdo ka oven vakerde havljarde thaj oficialno informacia. O Tajson Fjuri persi noemvri ko Dizeldorf margja e Vladimir Kličko jekhhangutne deciziaja taro arbitria lelja i šampionsko titula ko verzie WBA, WBO thaj IBF.
O Kličko palo odova rodingja revanši a o Fjuri ko jekh manglja. O lafikeriba revanšeske legaren pe sine lungo vakti a o Piter Fjuri akcentiringja kaj sa o detalia ka oven pendžarutne akava vikendi. Ko maškar vakti o bokseria baši organizacia e mečeske dengje pli akreditacia i Germania, Bari Britania, Unime Arapsko Emirtaia thaj i utarali kinara taro UAT.
