Наградниот фонд за претстојното Европско фудбалско првенство 2024 година во Германија (од 14 јуни до 14 јули) е непроменет во однос на претходниот континентален турнир. Што се однесува до Европското првенство, на кое пред три години доминираше пандемијата, УЕФА распределува вкупно 331 милион евра.
Секоја репрезентација само со пласман на првенството ќе заработи по 9,25 милиони евра.
За победа во групната фаза на турнирот во Германија се добиваат дополнителни милион евра, а за реми половина милион.
УЕФА го наградува осминафиналето со дополнителни 1,5 милиони, четвртфиналето со 2,5, а полуфиналето со четири милиони.
Нови пет милиони го чекаат поразениот финалист, а осум милиони евра за конечниот победник.
Максималната сума што може да ја заработи европскиот шампион доколку ги оствари сите три победи во групата е 28,25 милиони евра.
Награден фонд за ЕП 2024:
Вкупен фонд: 331 милион евра
Бонус за пласман: 9,25 милиони евра
Победа во групата: милион евра
Реми во групата: 500.000 евра
Влез во осминафиналето: 1,5 милиони евра
Влез во четвртфиналето: 2,5 милиони евра
Влез во полуфинале: 4 милиони евра
Поразен финалист: 5 милиони евра
Конечен победник: 8 милиони евра
