O hrvatsko fudbalsko šampioni Dinamo Zagreb , kergja lačho transferi e super talentea o Emil Abaz - Rom tari Belgia , jeripaja taro Skopje.
Ov si standardno reprezentativco an i makedonsko fudbalsko selekcia dži ko 19 berša. Ov dži akana sig sine fudbaleri an o belgisko Anderleht ki juniorsko kategoria.
O 18 beršengoro Emil Abaz reslja an o Maksimir , kote anglutne sine ki proba 10 divesa trenirinel sine e fudbalerencar taro Dinamo Zagreb.
Ov čaljargja e membron an o klubi thaj dengja signatura ko Kontrakto e klubea so ki akaja sezona ka khelel thaj an i grupmo faza tari Liga e šampionengiri kote barabutne an i Grupa H si e italiansko šampionea o Juventus, e franciakoro klubi o Lion thaj i špansko Sevila.
Šajdutne si o Emil Abaz te ovel le plo debi ko akava baro europakoro klubsko šampionati panda ko 14 septemvri an o Lion jali eventualno ko 27 septembro an o Maksimiri mujal o italiansko Juventus.
Ko sako forma mangaja e Emileske sukcesiali thaj barvali fudbalsko kariera thaj but trofeia an o avutnipa.
