O Andreas Demirović, siklo an o dujto klasi tari Muzičko škola "Srevan Mokranjac" thaj siklo ko 4 klasi ki F.Š. Dositej Obradović" an o Vranje lelja thaj ko 6-to Internacionalno manifestacia taro terne pianistia so angleder biš divesa an o Vranje. Ki zorali konkurencia taro 16 terne pianistia taro Niš, Knjaževac, Gračanica, Prilep, Leskovac, Kumanovo, Struga. Tetovo thaj Aleksinac, o Andreas lelja o jekhto than.
O Andreas si tari klasa ki profesorka Ana Krstić - Stojković, ko klaviri bašavgja o kompozicie J.S.Bah - Poloneza taro Golok - Adriatik horipa thaj Fantomsko lidero sar so si taro Majka pari - Melahonično valceri.
E Andreaseske akava nane avgo drom te resel o jekhto than , ov reslja thaj ko 5-to Internacionalno manifestacia bašo majšukar terne pijanistia so ikergja pe ko Arandželovac kote so lelja o jekhto than.
“Resiba o jekhto thana nane incidentno ko akala manifestacie sebepi so isi but buti sar taro tikno Andreas thaj oleskiri profesorka i Ana Krstić" - notirinena o majpaše taro tikno Andreas Demirović.
