O komune an i Makedonia ko berš hardžinen taro 48.000 eura (Aračinovo) dži ko 13 milionia eura (Čair) love bašo javno nabavke. I romani komuna Šuto Orizari ko 2014 berš bašo javno nabavke hardžingja 202.229 eura.
Taro barabutne 82 komune an i Makedonia i komuna Šuto Orizari kotirinel ko 72-to than prekal o hardžime love. Potele tari komuna Šuto Orizari si salde 10 komune, maškar olende o Zelenikovo, Vevčani, Rosoman, Centar Župa, Lozovo, Aračinovo. Ki lista majbut so hardžinen si i komuna Čair kote ko 2014 berš hardžingja 13 milionia eura, jali ki paralela e komunaja Šuto Orizari paše 70 droma majbut!.
Top 10 komune so hardžingje love taro javno nabavke ko 2014 berš si o skopsko komune trujal o Čair si o Aerodrom, Karpoš, Kisela Voda thaj Gazi Baba a ko jekh sar pobare komune an i Makedonia si o Kumanovo, Bitola, Strumica thaj Kičevo.
Esapime premal o dizutne an i komuna i Šuto Orizari ko 2014 berš hardžingja 10,4 eura ko manuš.
