Чешкото Министерство за здравство го одби барањето за компензација во случај на стерилизација каде ромското потекло на жената беше наведено како причина за операцијата. Организацијата Лига за човекови права (Liga lidských práv) ја објави веста денеска преку соопштение за медиумите.
Од 1 јануари стапи во сила законот за еднократна парична исплата на лицата кои биле незаконски стерилизирани. Од почетокот на процесот, пак, оние кои аплицираа за обештетување наидоа на проблеми.
Во август, непрофитните организации предупредија за некои од тие проблеми преку отворено писмо упатено до чешкиот премиер и министерот за здравство. „Ниту еден од тие проблеми се уште не е решен. Министерството за здравство, и покрај рокот од два месеци, сè уште има неколку нерешени апликации кои датираат од јануари, а доказите освен медицинската документација не се препознаваат“, се вели во соопштението на Лигата за човекови права.
