Едноставен крвен тест еден ден би можел да даде податоци во врска со нашата смрт. Во неодамна објавена студија, тим европски истражувачи објаснуваат како одредени биомаркери во човечката крв им овозможиле да предвидат уште колку долго некоја личност ќе живее.
Тие анализирале податоци од примероци од крв од 44 168 луѓе на возраст помеѓу 18 и 109 години, од кои 5512 умреле во период од скоро 17 години.
По гледање во 226 биомаркери во примероците, истражувачите одредиле 14 со кои би можело да се предвиди дали личноста ќе умре во следните 5 до 10 години.
За да ја тестираат теоријата, тие анализирале податоци од примероци на крв земени од 7603 Финци во 1997-ма и користејќи ги 14-те биомаркери се обиделе да предвидат колку од нив би умреле за 5 до 10 години по годината кога биле земени примероците.
Нивните предвидувања биле точни скоро во 83% од случаите – прецизност која не ја очекувале.
Потребно е уште многу работа за да ова откритие има практична примена, а научниците сметаат дека истото би можело да го подобри здравството, помагајќи им на докторите да ги идентификуваат најранливите пациенти пред врз нив да се започне одреден третман.
