Paše 16.5 procentoa taro Roma an o regiono si an i buti, a sar sublimato taro bukjarne Roma ko thema taro Paščimalo Balkani persi berš sine 41, 57 procentoa. An i Makedonia isi majbaro numero Roma an i buti - 22 procentoa, sikaven o informacie taro rodaripa e Romenge an o thema taro Paščimalo Balkani kerdo taro 2017 berš taro UNDP thaj World Bank suportoa tari Europakiri Komisia.
O rezultatia taro akava rodaripa sine prezentirime akala divesa an i regionalno konferencia bašo inovativno akcepcia ko bukjarnipa e Romenge , so barabutne organiziringje la o Konsilo regionalno kolaboraciake (RSS) baši integracia e Romenge 2020 thaj i Platforma bukjarnipaske thaj socialno pučiba thaj o REF.
Fakti si kaj tari amari them neko kamel te notirinel kaj nane sa agjaar "kalo" numa isi thaj "pink momentia".
A o realiteto? Džana kaj ki statistika hramovipaske taro 2002 berš isi 2.66 % Roma. As o o Ramkovno an i themakiri administracia trubul aso naoficialno numero administratoria si paše 200.000 , o Roma si 2.66 % jali aso o numero bukjarne administrativcia Roma trubul te oven paše 5000 Roma. Numa olengoro procento ko akanutne pervazia si pohari taro 0.1 % jali salde 150 Roma !
I akana? Sar odova o Roma tari Makedonia si majbut an i buti taro aver an o regiono?
O prepeutne tari romani populacia isi len majabro socio- ekonomikano problemo thaj si majdiskriminirime an o sistemo.
O Roma dživdinena ko 64 taro sa 84 komune an i them thaj si grupa so akana sig resle dikhli politikani akcepcia sar kotor taro aktiviteto e themake te resel majlačhi akcepcia taro etnikane minjoritetoa.
Aso i prezentacia, maškar 73 thaj 86 procentoa terne Roma ko baripa taro 18 dži ko 24 berša si bizi buti.
Odova so udžaraja si te dikha šaj li kanonikane konsekvencev vash socialno pretpriemništvo , ki paralela korkorobukjarnipa thaj subvencie . Jekh taro odola inicijative sine thaj i "Start Up Roma" numa i them "but lokheste" eliminirngja i incijativa. A akaja inicijativa šaj sine te anel progresi e situaciake ko bukjarnipa e Romenge an i Makedonia, dikhibaja i paralela ko raportia taro 2011 dži ko 2017 berš kote si notirime i situacia ko bukjarnipa e Romenge an o thema ko regiono (konektiriba thaj i R.Makedonia) si but bilačhi.
Aver rigatar trubul te del pe gind vash i inicijativa "Start Up Roma" faktea kaj o Generalno dikrektorati e EK bukjarnipaske , socialno pučiba thaj inkluzia liparela kote sa o pristapno ekonomie si len nacionalno strategia an i intergacia e Romenge. thaj akcentirinen jekh a jekh akcepcia an i edukacia, buti, sastipa thaj kherutnipa si kotor e procesoske bašu khujbe an i EU.
E akana ko kaste stopirinela? Amen o Roma ili i them?
