Во рамките на реализација на овогодишниот 17-ти по ред Интернационален ромски филмски фестивал „Златно Тркало„ во Кинотека на Македонија денеска 4 Април со почеток од 19 часот ќе биде спуштена фестивалската завеса и ќе бидат прогласени најуспешните во ова најново издание на фестивалот.
Ќе се доделат наградите за најмладите кои го реализираа делот насловен - Едноминутно видео, како и наградите за најуспешните во неколку категории како што се режија, сценарио, музика, најдобар документарен филм, Ромска стратегија, специјална награда од жирито и главната награда Гранд при.
Воедно ќе се доделат и плакети и благодарници на сите оние кои придонесуваат за поуспешна реализација на овој фестивал.
Главен организатор како и претходните години е СП БТР Продукција, додека финасиски фестивалот е подржан од Филмскиот Фонд на Република Северна Македонија.
