Sukcesiali presentacia taro Zoran Dimov an o festivali "Somnakaeskoro kašt" an o frankfurt anglal producentia thaj filmmejkeria tari sasti lumia pire majneve proekteske "Del, Rota, Phuv"
An o pervazia e Internacionalno filmsko festivali "Somnakaeskoro kašt 2018" pali akharin taro organizatoria piro than lelja em o membro tari SP BTR Zoran Dimov. An i festivalsko agenda so ikerel pe taro 21 dži ko 23 spetemvri an o Frankfurt piro than lelje but pendžarde lumiakere producentoa thaj filmmejkeria tari sasti lumia.
Ko vakti e prezentaciake anglal o misafiria o Zoran Dimov sikavgja piro nevo proekto o Dokumentarno filmi " Del, Rota, Phuv" kote i idea e filmeske so te sikavel e lumiake o romano identiteti, darhi, dromariba, thaj butberšengiri diskriminacia ko diferentno etape thaj akanutni situacia e Romane naciake.
Bare samaja o pendžarutne režiseria, producentia thaj film mejkeria dikhle i sasti prezentacia taro Zoran Dimov ko agor te sikave but baro intereso te oven kotor taro akava spektakularno thaj historikano filmsko proekti.
Te noptirinel pe kaj sa o misafiria sine gindibaja kaj akava proekti ka ovel čačutno spektaklo an i filmsko verzia.
Ko jekh o Zoran Dimov prezentiringja thaj e Republika Makedonia sar idealno destinacia te buvljarel pe i filmsko industrioa an i odoja teritoria, thaj akhargja savoren te vizitkeren amari them te zapendžaren pe e šartiencar baši realizacia diferentno filmeskere proektoa.
