Неколку стотици Роми протестираа пред полициската станица во Грачаница, поради, како што велат, бруталноста на припадниците на косовската полициска служба при апсењето на нивниот сонародник Бурхан Ибрахимовиќ, јавува порталот РТС. .
Ромите на протестот побараа од Полицискиот инспекторат правична истрага и казнување на група полицајци кои, како што тврдат, употребиле прекумерна сила и брутално го претепале Ибрахимовиќ, кој во меѓувреме добил неколку повици од Полицискиот инспекторат на распит.
Толпата носеше транспаренти на кои пишуваше „Стоп за бруталноста“, „Правда сега“, „Ние не сме твојата вреќа за тупаница“, „Стоп за насилството“.
Африм Салихи, роднина на претепаниот Ром, тврди дека Ибрахимовиќ бил донесен во полициска станица да даде изјава за расправија со жител на Грачаница. Тој додава дека, бидејќи бил казнет, Ибрахимовиќ се заканил дека ќе поднесе тужба и ќе ангажира адвокат. После тоа, како што тврди Салихи, бил претепан од неколку полицајци во полициската станица.
Ибрахимовиќ од Грачаница израснал во Германија, а сега повторно живее во родното место. „Ви благодарам на сите што дојдовте. Живееме во демократија, но има многу луѓе кои ги имаа истите проблеми и не им беше дозволено да зборуваат. На почетокот се плашев и не смеев да го споделам овој случај со други, но решив да го пријавам овој случај„, изјави Ибрахимовиќ на насобраните пред полициската станица.
Дритан Бериша, еден од организаторите на протестот, рече дека ова е митинг не само против бруталноста на полицијата што се случи на 19 август во полициската станица во Грачаница, туку и отпор кон другите бруталности што припадниците на ромската заедница ги минуваат низ други места во Косово и Метохија.
Протестот пред полициската станица во Грачаница го контролираа полициски службеници во униформи и цивилна облека, но новинарите за секој случај беа упатени во полициската управа во Приштина.
На крајот од протестот, насобраните оставија транспаренти на скалите од влезот во полициската станица и мирно се разотидоа.
Link - video: https://www.rts.rs/vesti/politika/5263470/protest-roma-u-gracanici-zbog-torture-policije-prema-njihovom-sunarodniku.html
