O Generalno Parlamento an i Organizacia taro Unime Nacie (OUN) an o 1966 berš havljargja o 21 Mart sar Internacionalno Dive tari elminiacia e rasno diskriminaciake . An o odova dive ko 1960 berš i policia an i Sharpwhile , South Afrika mudargja 69 manušen ko tromalo protesto te čhinavel pe i segregacia thaj mujal o aparthejdi sar oficialno politika.

O učo Komesari manušikane niamenge an o Unime Nacie . Mišel Bačelet thaj olakiri diskusia sebepi notiriba akale diveseske panda jekh drom akcentiringja kaj sa o manuša bijanen pe tromale thaj jekh ajekh niamencar. Savore amen šaj te kera ko progresi thaj lahi situacia an o sasoitnipa. O Internacionalno dive tari eliminacia e rasno diskriminaciake si šajdipa savore amenge sako dive an o berš te kera maripa mujal o rasizmi, rasno diskriminacia , ksenofobia thaj natolerancia.

Avdive an o but kotora tari lumia siam faktoria so dikhaja kaj isi progresi ko nacionalistikane partie bašo superioriteto tari jekh rasa thaj demonizirinen pe e migrantnon thaj e minjoriteton. Asavko nacionalizmo kerel majzoraleste hulaviba , motivirinela teroro thaj o sasoitnipa kerel nasiguritetno.
Šaj te legare sevdža tire themake thaj ko jekh e lumiake. Šaj te kere sevdža tire jekhinake thaj tire familiake , numa te respektirine thaj averen so si diferentno tutar.

Bibahtake konstatirinaja kote an i amari them i rasno diskriminacia si direktnop jali indirektno legardi mujal dizutne preperutne an i romani jekhin . O komiteto lungo vakti khedela informacie thaj dikhel o rodaripa tari rig e dizutnengiri preperutne e romane jekhinake olengoro etikiriba , targetiriba thaj najekh tretmano.

O Roma sar teleperavdi grupa but droma si diskriminirime si len limitirimi akcepcia dži ko socialno, sastipaskoro thaj edukaciakere aktia.

Panda jekh drom potencirinava amaro angažmani ko maripa mujal o najkeh statusi thaj tretmani an i Republika Utarali Makedonia legarde mujal sasti eliminacia tari rasno diskriminacia prekal savi bilo funda odova te notirinen an o Helsinško Komiteto.

O representoa tari srbikani thaj jaudiengiri jekhin an i hrvatska, dengje vaktavin kaj an o aprili ka ikeren sako peske komemoracia e viktimenge an o konv logori ko Jasenovac taro Dujto Lumiakoro Maripa , thaj nane barabutne te len than an i komemoracia so sine dendo sar propozalo taro hrvatsko premieri Andrej Plenaković.

An o savato o Plenaković akhargja e Unia taro antifašistoa an i Republika Hrvatska thaj e representia taro Srblie, Jaudie thaj Roma barabutne e themakere funkcionerencar te ikeren komemoracia e viktimenge taro akava ustaško logoro..

Ko nakhle trin berša o representia tari srbikani, jaudikani thaj romani jekhin thaj o antifašistia so sine majbaro kitor taro viktimia mudarde an o Jasenovac, kergje bojkot e oficialno komemoraciake, sar nota taro protesto sebepi o o Govermenti panda na kergja eliminacia an o historikane faktoa taro akala bibahta ko vakti e Dujto Lumiakere maribaske.

Ov havljargja kaj an o 12 aprilo , o srpsko, jaudiengoro thaj romano minjoriteto thaj o antifašistoa ka ikeren peske pire komemoracie.

Aso i lista taro memorialno centro Jasenovac , maškar 1941 thaj 1945 berš , o ustašia an o logoro mudargje 83.145 phanlen, Srblie, Jaudie, Roma thaj antifašistia.