Funkcionalno integracia thaj inkluzia ko majbaro kotor taro 600.000 dži ko 800.000 Roma so si an i Ungaria nane implementirimi an i praktika. Komunalno aktiviteto okolenge so len socialno dela pe, okova so na lel than an o komunakere aktivitetia našavel odoja beneficia sar socialno arka.

Aso ungariakere sociologia sar komunalno buti so trubul te kerel pe diferentno aso o govermento so kamela ko baro numero so keren buti na phravel o drumo prekal i berza bukjake.

Buvle notacia e kanonenge ko akava kotor del šajdipa e lokalno legaripaske baši kvazi - policiakiri kontrola e čorole manušeske , maškar so isi thaj but Roma : ko aktia bilačhi higiena an o familie jali čhinaviba e čhaven te džan an i škola, si tiziko te čhinaven o socialno jali čhavorikane love.

I segregacia an o škole ko buteder thana an i Ungaria si zor fundirime : o čorole em o Roma džana ko themakere škole , a o barvale pire čhaven bičhaven ko privatno škole.

O neve socialno politikakere aktia taro Govermento taro Orban isi kanonia so si mujal o Roma : ko pervazia programo e familienge so presentiringja la o Orban o jeria šaj lena krediti te sine anglutne majhari trin berš so pukjinen sine o themakere takse -danokia . A odova momento majbaro procento Roma nane len asavki opcia.

Paše 25% taro o familie an o romane mahale ki komuna Zemun nane len pani pijbaske, thaj si len hoš kaj nane odokhare siguritetno, sikavgje o rezultatia taro kerdo rodaripa " Notacia taro siguriteti an o substandardno mahale tari dizjakiri komuna Zemun"

Majbaro problemi si odoleske so baro numero dizutne taro odola mahale nane len kanalizacia jali septičko jame. Ko asavke mahale an o Zemun 39% taro romane familie nane len kanalizacia thaj majtelepearvdi mahala si i Kamendin , kote upreder 77% taro khera nane konektirime an o kanalizacisko sistemi.

Ko štar naformalno mahale sine implementirime akava rodaripa, 95% taro dizutne si len elektrikani energia, 96% takjariba, kote 53% takjovena ko zorale derivatia , 25% si len centralno takjariba, a majtikno procento takjona an i elekstrikani energia.

O rezultatia taro o rodaripa sikavena kaj an o odola mahale isi siguritetno riziko thaj odothe o manuša dživdinena tiknjarde hošea taro siguriteto.

O anketirime notiringje kote an o odola mahale buteder droma khedena pe thaj avena sar so si anavkerde "ekstremistikane grupe" thaj kana o čhave avena peske tari škola thaj gradinke, ola majbut palo odova ačhovena peske khere thaj na ikljovena but avrial te khelen, thaj buteder droma an o romane mahale isi egzamploa taro familiarno terori mujal o džuvlja thaj an o majtikno procento thaj mujal o čhave.

O rodaripa si kerdo aso reprezentativno egzamplo taro 241 anketirime an o štar romane mahale an o Zemun - Divo naselje, Kamendi, Vojni put Blok 1 thaj Blok 2 thaj o Divo Naselje an o Zemun Polje , a implementiringja o Romano centro džuvlenge thaj čhavenge "Daja" finasisko suportoa taro OBSE Misia an i Srbia.

Link: https://www.blic.rs/vesti/beograd/zabrinjavajuce-cetvrtina-domacinstava-u-romskim-naseljima-u-zemunu-nema-pijacu-vodu/6k93hs9