Baš i situacia e Romencar tari Hrvatska kerel pe sine but lafi thaj o fakti kaj as o oficialno numeristikani statistikani operacia našti panda te notirinel pe kobor si o ačutno numero e Romengoro an i Hrvatska. Kontra taro segregacia thaj diskriminacia mujal olende sar jekh taro so "istemalkeren o sistemo" nesave Roma garavena piro identiteti te šaj te egzistirinen, hramosarel o regionalno portalo "Bilten"

O revizionizmi thaj negacia e genocidoske upral o Roma an o Dujto Lumiakoro maripe si kotor tari "mediumsko kultura" notirinela ko liloro vash i jazia e Romengiri an o periodo taro a.a. NDH, o historičari thaj autoro Daniel Vojak.

An i Hrvatska i romani populacia si relativno tikni thaj aso i statistika an i Hrvatska ko 2011 berš sine paše 17.000. Numa aso Ofiso manušikane niamenge thaj niamia taro minjoritetia taro 2011 sikavela kaj majhari 24.524 persone tari romani populacia.

Kaj i diskriminacia mujal o Roma tari Hrvatska si sar sakodivesa sikavena i informacia taro Ofiso taro Obdusmano ko dende teleperavibaskere akti. Odothe 28% taro Roma akcentirime kaj sine len diskriminacia, a 17% olendar vakergje kaj ko olengoro dživdipa sine fizički atakujme salde odoleske so si Roma.

Kana kerel pe lafi baši buti , paše 44% taro Roma si bizi buti thaj panda 22% si statusea kherutne keren angažmano, jali keren buti ko khera saste bukjarno vakti.

O šartia bešipaske e romane familienge paše 43% olendar nane len pani pijbaske , jekvaš nane len WC thaj 73% nane len kanalizacia , thaj sako dešto romani familia nane len elektrika.

Prosek masekoskoro leiba love ki romani familia , bizi diferenca sar aven dži ko love legarel paše 550 eura, so si but telel o proseko taro love so trubul te dživdinen ko jekh masek.

E bugariakoro vice premieri thaj ministeri arakhibaske Krasimir Karakačanov, si le kontraverzno plani baši integracia e Romenge an i Bugaria.

O draft kanoni e konceptoske " Koncepto baši integracia taro nasocializirime Romane jekhina kote si diferentno praktike e Romenge , konektiribaja thaj kaj trubul zorea te kerel bilovengiri buti sa e personenge so si pobare taro 16 berša.

Okola so našti pukjinen o moldia baši komunakiri higiena aso o kanoni ka trubul ola korkoro prekal bilovengoro bukjarno angažmano te užaren o reonia kote so dživdinena.

Te šaj kontrolirinel pe o nivelo taro nataliteti ko Roma , o Karakačanov del propozal programo themakoro abortusi, kote ka del len bilovengoro abortusi romane džuvlenge so isi len pobuter taro trin čhave.

O Propozal -kanoni sugeririnela " o naedicirime thaj bizi buti" Roma ka oven bičhavde ko "centroa praktikake".

O Propozal . kanoni ko jekh dela propozalo te tiknjarel pe o socialno e Romenge te na mangle te keren buti jali te na dengje pire čhaven an o škole, te peraven sa o nalegalno kerde romane khera thaj te formirinen pe arakhibaskere sekjuriti jekhina ko mahale kote so dživdinena o Roma.

"O Karakačanov te dikhlja o Ustav, ka dikhel kaj odothe savopren si amen jekh a jekh niamia" vakergja o deputato Džejhan Ibrjajmov tari Partia bašo niamia thaj tromalipa (DPS). kriiziribaja o plano . O Ibrjajmov so avel taro turkiakoro minjoriteto an i them, akava propozal kanoni anavkergja le sar "nahumano".

O Karakačanov si lideri e Bugarsko nacionalno partiake (VMRO) thaj jekh taro trin lideroa taro nacionalistikano blokoske Unime patriotia, so khuvgja an i koalicia e legarutne premeierea Bojko Borisov - Civilno europakoro progresi e Bugariake (GERB).

Link: https://www.dailysabah.com/europe/2019/02/08/bulgarias-deputy-pm-proposes-free-abortions-for-roma-women-to-control-birth-rate