Socijala

R.Utarali Makedonia: An o 1371 themakere institucie isi 128.879 bukjarne kote 1.584 jali 1,44 % si Roma

Ko štar ministeiumia o procento tao  etnikane Makedoncia si 70% taro sa o barabutno numero bukjarne. Ko 7 resoria I akcepcia taro etnikane Albancia si upreder 30%, hramosarel o Порталб.мк.

O nevo raporto taro Registri bukjake ko themakere institucie  ko 2023 berš notiinela pe kaj šersi berš telal themakiri stadik keren sine buti 128.879 persone ko 1.371 institucie.

Taro barabutno numero bukjaren ko themakere institucie persi berš, a so etnikani “šema”, 70,5% sine Makedoncia, paše 22,1% etnikane Albancia, 2,6% Turklie, a o avera jekhina  sar so si, Roma, Srblie, Bošnakoa,  Vlahoa, sine akceptirime pohari taro 2%. Ko institucie taro sa 128.879 bukjarne olendar 1.584 jali 1,44 % sine Roma.

Em ko 2023 berš ko ministeriumia isi but bari diferencia ko procentoa taro etnikane jekhinaO neve beršeskere raportoa sikaven kaj ko 4 resoria o procento taro etnikane Makedoncia si upreder 70%: ko Ministeriumi bašo agrari paše 73%, ko Ministeriumi bašo arakhiba 74,7%, ko Ministeriumi bašo transport thaj konekcie 71,3% a ko  Ministeriumi baši socijala 71%.

Aver rigatar ko Ministeriumi bašo poliitikano sistemi etnikane Albancia si 84,71%. Palo akava resor si o Ministeriumi baši ekonomia 49,25% thaj  Ministeriumi baši lokalno samouprava 41,51%. Pobuter taro 30% etnikane Albanica isi k Ministeriumi bašo dživdipaskoro trujalipa 38%, Ministeriumi baši edukacia 37,8% thaj Miinisteriumi baši Jursidikcia 38,02%.

I romani mahala „Šangaj“ ko Novi Sad , pendžardi em pali avgo romani libroteka an i Srbia

Šangaj si than s si šendžardi ko Novi Sad. O Šangaj si dur salde 7 km taro centro e dizjake , jali 10 minutia vordaja. O anav Šangaj dengja le o Tihomir Brančič so sine le tavern anavea “Šangaj” ko akava kotor e dizjake. Ko 60-to berša taro nakhlo veko kergja pe akaja mahala kote sine paše pel khera , a palo dova o Šangaj knektiringja pe e dizjaja avtobusk transprtea ewm reslja sa o elementia sar dizjakiri mahalka, so si la elektrika,m pani, kanalizacia , škole thaj aver objektia sa rso si garteni, klinika thaj aver.

O Šangaj avdive si than kote si phravdi I avgo romani libroteka so si phravdi an I Srbia.

Avdive e mahala Šangaj si la pašđe 2000 dizutne a majbut olendar si Srblie thaj Roma. Isi nacionalno garteni “Duga” em  čhave džana odori. Akate si em fundavno škola “Veljko Vlahović” so si formirime panda 1962 berđ sar filijajala e škollake “Gjura Dančič”. Ko 1977  berp akaja škola uli krkritni em sikljoven sine  čhave kji jekh smena.

Trujal akaja škola ki mahala si la em piri romani libroteka an Srbia “Trifun Dimič” kote  sar avgo si la but romani literature kiu romani čhiba. Ko Šangaj si em klinika, pošta em lokalno institucia.

Ki mahala isi em dukjania, kafičia, konditoria, parka, pherdo kašta em avlina sar lačho kotor si I len Dunav ,  so ka kerel psanda majlačh than a na salde periferija e dizjake.

Link:

R.Utarali Makedonia: Minimum 1.000 euro te šaj nakhavel pe o masek

Jekhe makedonsk familiake valkjani minimum 1.000 euro te šaj nakhavel o masek, a ten a sine len piro kher em pukjinel kirija , tegani na resen le ni 1.300 euro te šaj pukjinel sa.

I diferenca maškar o trubutnbe lve thaj love so ka hardžinen pe drastično baričle ko nakhle 14 berša, a majdramatičn sis a kuč ko agorutne duj berša. Ko januari 2022 berš e kinibaskoro gono sine 580 euro . Ko januari 2024 berp odova nakhavgja 950 eura . Odoja progresia  ko moldia si saste  60 procentoa bašo duj berša, Valjani te vakerel pe kaj I struktura e gonoskiti  si trampime taro dekemvri 2023 berš , a I revidirimi si čhivde neve  borčia so na sine anglutne.

Te džangja pe kaj ko Nemvri 2023 berš šrekal I kalkulacia tharo Ofisi baši statistika prosek zukjimi plata ko bukjarno sine 630 eura tegani jekh  štar dženengiri familia kote salde jekh kerela buti valjani leske panda 330 eura te šaj nakhavel o  masek.

O minimalno hardžiba so si upreder 1300 eura ki famila so si telal kirija našti nakhavela salde jekhea numa trubul duj džene te keren buti em te ovel olen plata 600 eura jekhe džene faktea kaj minimaln plata si 330 eura o love ka resen salde hajbaske em ređija a na ačhoina love avere bukjenge.

Ki paralela ko dekemvri 2010 berš kana I Unia taro Sindikatia ki Makedonia avgo drom editiringja informacia kaj o sindikalno gon su 500 eura , a I dekemvrisko prosek plata sine 350 eura., I diferenca taro gono em prsek plata angleder 14 berša sine paše 120 eura.

Tragedia ko Bar, Montenegro: Ki bari jag mule štar Roma, maškar lende duj ćhave thaj jekh džuvli taro 19 berša

Štar personne taro romano nacionaliteti mule ki bari jag ko Bar, ki romani nalegalno mahala telal o učipa Volujica.

Maškar o viktimia oisi jekh 19 beršengiri romani čhaj, duj tikneberšengere čhave thaj jekh aver džuvli, vakeren bašo “Vijesti” taro Lolo krisi thaj I policia. Naoficijalno baš “Vijesti” tari I policia  vakeren kaj jekh persona si lokheste ratvarde.

Šanda nane pendžarde  faktoria sske al dži ki  akaja bari jag so sine  ko javinakere saatia.

Naoficijalno sar faktori šaj te vel da taro kovtori kaštengoro. “Pali dendi ekspertiza ka džanel pe I čačutni karana” vakerena taro Mediabiro. “ Nane nisavo čudo akava soske ni jekh na del suporto akale Romenge ko Bar, numa sine vakti em pučibe kana ka  ovel em kobor ka ovel o zijani “ vakerela I Liljana Vujović taro NGO “ Džuvlja taro Bar, so si ko kontakti sasto vakti e familiencar taro viktimia so sine lende ki vizita.

O Llo krizi si k teren thaj legarela hajbe thaj pijbe e familienge taro viktimia. OO supermarket doniringja sendvičia, pani, sokia thaj gudle , kote I policia dengja len okolenge so trubul sine.

„Ko 04:35 o časo javinate o požžarnikaria dengje informacia kaj ko  Bar isi bari jag ko montažno barake ki mahala Volujica, kote dživdinena Roma. I bari jag astargja nekbor imšprovizirime barake . reslja em ekipa taro požarnikaria taro Bar pobuter vordonencar. Kana  resle em ačhavgje I jag  sine arakhle štar naidentifikujme trupia” vakeren tari policia bašo Radio Bar thaj Bar info.

Link: https://www.vijesti.me/vijesti/crna-hronika/694158/tragedija-u-baru-u-pozaru-stradale-cetiri-osobe-medju-njima-dvije-maloljetne-i-devetnaestogodisnja-djevojka?fbclid=IwAR2kkLJU0Qf_3yUSZufeh8HU_I4qmRaPny6AFzBiss8-BQgIZn2Q465i7YM

Video:

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 85 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali