Socijala

E Čehikano Ministeriumo basho sastipe del informacie palo akanutno epidemia e hepatitis A maśkar e ćhave ki Ostrava: E rezidencialne hotelia na si o maj baro than e infekciakoro

E sastipaskere ofisionalura ki Ostrava, Čehikani Republika keren buti e epidemiologikane situaciake vash o nasvalipe e akutno hepatitis A odothe. Kotar o 22 Aprili ji ko 1 Juli 2024 bersh sine registrimo totalno 44 infekcie. Kotar odola, 43 si ko čhave maškar o berša 1 thaj 17. O Regionalno Publiko Sastipasko Autoriteti sine instruirimo te kerel targetirime anti-epidemiake mere dži ko 400 manuša save so sine ano so akharel pes epidemiologikane signifikantno kontakto e infektirime manušenca.

“I na-lačhi epidemiologikani situacia sas vi diskutirimi ki Regionalno Epidemiologikani Komisia. Ano odova kontèksto, sar egzàmplo, sas cirkulime informàcie save mangenas kolaboràcia te aranźisaren pes anti-epidemikane mesure anθ-e hotelură anθ-o teritòrio le forosqo Ostrava prekal lila vaj rekomendàcie te vazden pes i frekvenca savi si dezinfektisarde e komunalne thana thaj e sanitaro thana,” phengja o Zuzana Babišová, direktori katar Moravijako-Silezijako Regionalno Publiko Sastipasko Autoriteto, ande jekh press-release.

E manuša save avile ano kontakto e infektirime manušenca thaj save si korkore sensitivno ki infekcia akana si vakcinirime mamuj o hepatiti A. E vakcinacie si kerdine ja kotar e doktoria save registririnen pire kazura, kotar nesave generalno doktoria (GP), ja kotar odola saven naj GP , katar i Klinika vaś e Infekciaqi Medicina ki Ostrava Sikavipnaski Bolnica.

O Čehikano Sastipasko Ministeriumo dija totalno 168 doze vakcinacie mamuj o hepatit A. Kodo si pochindo katar o sastipasko insuràcia.

“Sigurno nane nisave resa te panikisaras, dźi kaj jekh tikno kotor e prevencijako thaj akcento pe prevencija si lačhe. O manuš avel ano kontakto e hepatitis A virusosa kana anel kontaminirime vasta karing o muj, direktno ja indirektno prekal o habe. Te o manuš na si vakcinirime mamuj o hepatiti A, si lačhe te akcentirinel pes i higiena e vastenqi palal so avel ko kontakto e objekturenar thaj e thana save si butivar astarde e vastenca e avere manuśenqe, sar egzàmplo, e śere ko publikano transporto, e vudara ko publikane thana , vagonura vaś bikinipen, love, e butona e terminalurenqe vaś o pokinipe vaj vi e pumpe e benzinaqe stacienqe. Numaj, kadava si aplikime sasto berś, saste, na numaj kathe thaj akana,“ phendǎs o Rastislav Maďar, Dekano ko Fakultèto vaś Medicina ki Ostrava Universitèta thaj o śerutno anθ-o lenqo Instituto vaś Epidemiologia thaj Publiko Sastipen.

Link: https://romea.cz/en/czech-republic/czech-health-ministry-briefs-romea-cz-on-the-current-outbreak-of-hepatitis-a-among-children-in-ostrava-residential-hotels-are-not-the-main-site-of-infection

Sar o investicie ko Roma šaj te lačharen o problemi e bukjarnipaja

Palo prezentiribe e raportesko “Zuralipe e progreseske ano Paščimalo Balkani”, notirinela pe ani diskusia kaj o investicie ko Roma šaj te lačharen o problemi e bukjarnipaske.

“Realiteti si kaj o Roma si jekh kotar o but importantno elementia vash o avutnipe e ekonomiako e regionesko thaj e Evropako.”

O fakto kaj e romani populacia si e majterni populacia an i Europa, ki relacia pala nacionalne minoritetia thaj etnikane jekhin, reprezentinel baro potencijali palo avutnipe sar butjarnimaskiri zor pali sasti ekonomia ko regioni thaj an i Europa.

O raporto sikavgja kaj ako o Roma nakhena prekal serija programia bašo nevo treningo thaj edukacia thaj ko odova drom ka len buti ko deficitno profesie, o investirimo love ka iranen pe ko periodi taro duj dži ko pandž berša.

Akava sikavela kaj buti e zavarivačia, kamioneske thaj busoske šoferenge, konobaria thaj kuvaria si maškar deficitarno profesie.

Link: https://rominfomedia.rs/2024/07/04/kako-ulaganja-u-rome-mogu-da-rese-problem-radne-snage/

Taro 1 juli uklela I moldi tari elektrikani energia ko trin taro o štar blokia thaj I eftino tarifa

Trujal so ka uklel I moldi tari elektrikani energija ko uče tarife ko trin taro štar blokia , o avgo manuš tari Regulatorno komisia Marko Bislimovski vakergja kaj taro avutno masek bašo 0,65 procentoa ka uklel I moldi tari eftino tarifa.

E kheremge so hardžinen elektrikani energia ko jekhto bloko nane te ovel trampime I moldi  ko avutno masek. Ko dujto bloko I molldi e elektrikane energijake ka bajrol bašo 0,85 procentia, ko trinto bloko I moldi ka ovel majuči bašo 1,92 procentia, a ko štarto bloko bašo 1,88 procentia. Trujal so ka ukljel I moldi e elektrikane energiake ki uči tarifa, o avgo manuš  tari Regulatorno Komisia vaskergja kaj taro avutno masek bašo 0,65 procentia ka ukkljel I moldi tari eftino tarifa.

 

Te na sine tut love isi kreditia – o dizutne kreditenge si borčlie 2 milijarde eura

 

O makedonsko dizutne em šparinena, ama em mangen te oven borčlie ko banke.

Odova si normalno soske poslem lungo berša ka našti te aven dži ko kher jail te kinen disave električnno aparatia kop lo kher, nesave te educirinen pe čhave, a isi em assavke so len krediti te džan ko turistikano dromaripa.

I nacionalno banka an I Makedonia del o majneve informacie ko depozitia em kreditia ko masek mart , a o informacie e kreditenge vakerena kaj o Maskedonco majodoriga mahbuteder lela krediti hardžibaske.

Ko agor e masek mart o kreditia hardžibaske resle 1,98 milijarde eura, so si progresi bašo 13,3 milionia eura jekhe masekoske, ki paralela taro masek april. Odova sikavel kaj o dizutne upral I funda taro hardžibaskere kreditia  “rizično” avena dži ko borči taro duj milijarde eura.

Ko jekh trubul te džanel pe kaj buteder taro dizutne len kreditia te šaj kinen vordon ko puranipe, soske I procedura si but majlokhi.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 160 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali