Ko Parlamenti ande si  trampe ko kanoni baš than kote si dživdinela thaj baši identifikaciakiri trampa so ka faisalkerel pe o momenti taro manuša bizo dokumentia an I Makedonia.

O nevipa ko Kanonia so si ande ko prijaviba taro dživdipaskoro than  e dizutnenge em e Kanonea bašo ID karta si importantno akale prooblemoske , kte i Kmisia bašo politikano sistemo oorganiziringja em nadzorno diskusia ko februari akava masek kana sine ande o konkluzie kote o Parlamenti so si le i nadzorno rolja  ki implementacia e Kanoneske ko personalno evidencia.

Ki akaja forma o fantomia ka šaj akana resen dži ko pire fundamentalno niamia , kote i Makedonia ka ovelk i avgo them an i Eurošpa em an i lumia so si la faisalkerdoo o status manuša bizo themutnipa.

O ande intervencie ko akala kannia si garancia kaj an I them nane te ovel palem o ppersone bizo themutnippa soske sistemsko si faisalkerdo sako čhavo biamo an I teritoria tari Makedonia ka ovel hramosardo aso o kanuni 4a taro Kanoni ki personalno evidencia . Odoleske o Roma Times bičhavela

Phravde bahtarina ko sa okola so sine konektirime an o akava procesio , majbut ko deputati Ljatifa Šikovska, Sanela Škrijelj, Snežana Kaleska Vančeva, Sonja Mirakovska thaj I Žaklina Lazarevska, dži k themakoro sekretaro an o Ministeriumi Jurisdikciake o Muhamed Toči, o konsiliari e premiereske Elvis Memeti,  Netvorko bašo sistemsko faisalia ems a o avera romane NGO so kergje zori te faisalkerel pe akaja problematika bašo o persone bizo dokumentoa.

I internacionalno NGO “Habitat Makedonia” thaj I komuna Kumanovo  parafiringje memrandumi baši kolaboracia , bašo finansisko suporto ko keriba DUP ki lokacia Osmanov Rid , mujal Lipar –kosturnica. O “Habitat Makedonija” ko finansiribe te kerel pe o DUP an o “Osmanov rid” , bašo majlačhe šartia dživdipaske

Akale proektoa ka oven em aver aktivitetoa ki Komuna Kumanovo sar kotor taro pobari pandž beršengiri kampanja taro “Habitat” kote konektirimi si em I komuna Šuto Orizari.

„I resarin si kontrakto kote I “Habitat Makedonia” lel I savala te finansirinel kotor  taro DUP, jail o kotor taro “Osmanov rid” . Akate isi baro numero kerde objektoa ama isi em than taro avera parcele so isi interes te tamikeren pe . Akava kotor e dizjakoro panda nane urbanizirime DUP ea em mange si but lačhe so I organizacia kerel interes te finansirinel  ko keriba o DUP akate “ vakergja e dizjakoro šerutno taro Kumanovo  Maksim Dimitrievski

I promocia e proektoske “ O kher si jekh a jekh” a perel baš ko Internacionalno dive e kherutnipaske , so notirinel pe sako avgo palokurko ko masek oktomvri . I majnevi kamapnaja trubul te vazdel I gind e khereske sar fundamento bašo majodorigutno buvlokjaripa ko manuša bašo ekonomikano, sastipaskoro, edukaciakoro thaj aver aspekto.