34 bešipaskere stania tamikergje pe an o mahale ko Bački Gračac, Bački Brestovac, Bogoevo, Lalić thaj Karavukovo thaj ko jekh an o odova kotort kote si škole, gradinkem ambulanta thaj aver servisno ofisora.

I lokacia alusarena la sine aso sako kote kamel sine pali seria kerde presentacie thaj konsultacie so kergja olen thaj implementiringja o Hausing Centar.

Trujal odova o Centro kergja thaj arhitektonsko faisalia thaj i thenikani dokumentacia, lelja tamikeribaskoro sertifikato thaj telel stručno opservacia kana keren pe sine akala objektia.

O korkoro objektia si len elektro instakacia, panjeskoro netvorko thaj fundavutno membeli thaj parni tehnika.

An i nevi mahala an o Bogoevo taro 1965 berš an o naadekvatno šartia dživdinena 34 familie 107 dženencar kote olendar 40 si tikneberšengere čhave. I dislokacia an o neve apartmania si importantno sa e dizutnenge a majbut e tikne čhavenge so deceniencar na sine len adekvatno šarti edukaciake thaj aktivno leiba than an o socio sasoitno aktiviteti.

O Proekti"Sako Rom te ovel ole kher" si finasirime taro EU, a ko finansisirme taro Srbiakoro govermento thaj tari komuna Odžaci.

O Srblie thaj o Albancia ka sikljoven i čhib tari i aver jekhin mangipaja te mukhen palal peste i natolerancia ko nakhlo periodo, thaj te bajraren o šanse bašo te khuven an i buti.

I Kamenica, Mamuša, Dragaš, North Mitrovica thaj South Mitrovica , si pandž kosovakere komune so ka ove obligacie an o proekto tari Internacionalno organizacia baši migracia , ikerdi tari Britaniakiri ambasada an o Kosovo , an o pervazia so dena bilovengere kursia an i albanikani thaj srbikani čhib.

Aso o kanoni , i albansko thaj srbikani čhib si oficialno čhibja an o Kosovo. O aver čhibja sar so si e turkiakiri thaj i romani čhib si oficialno čhibja an o komune kote majhari 5 % taro dizutne keren lafi an i odoja čhib.

An o april 2018 berš , i Kastrati thaj Stamenković bičhavgje barabutne jekh lil dži ko internacionalno ambasade thaj dži ko ofiso tari EU an o Kosovo , rodibaja love te keren jekh barabutni škola bašo albansko thaj srpsko čhave.

E Edukaciakoro sistemo an o Kosovo sine hulavdo prekal nacionalno funda angleder trin decenie paraleleno ko bajararipa o tenzie an i teganutni jugoslaviakiri pokraina. E kosovakere Albanmcia organiziringje paralelno edukaciakoro sistemo ,a o srspko sikle sikljon sine aso o sistemo an i Srbia. O duj jekhina ikabgje i čhib e aver jekhinakoro taro olengere edukaciakere programe.