O membria tari Makedonikani Platforma mujal o čorolipa bičhavgje rodaripa dži ko presidento an o Parlamento o Talat Djaferi thaj dži ko sa o deputatia ko majsig vakti te ovel čhivdo an i diveseskiri agenda thaj te del pe vota bašo nevo Kanoni e socialno protektivake thaj čhavorikane protektivake.

– Kama te potencirina kaj si baro ziani so direktno kerela presia upral jekh but marginalizirimi grupa. Pobuter taro 25.000 familie udžarena te anel pe akava kanoni solea na faisalkerel pe o problemi taro čorolipa, numa del pe pativ te ikljol pe tari rota e čorolipaske so lungo vakti si andre, akcentirinel o Zoran Bikovski , represento taro MPMČ.

Ov notirinel kaj o persone so si taro socialno familie so dživdinen taro o socialno taro 2.000 denaria,( 35 eura) ko than , sar so vakerela odova akti taro kanoni legarel pe an o nivelo taro socialno, te oven trampime e minimalno lovencar so ka mukhel 4 dženengiri familia majhari 9.000 (150 eura) dži ko 11.000 denaria (185 eura) dži kote olengere čhave džana an i škola.

– Odova si thaj aniba asavko edukaciakoro dopherde love, a e familienge so len akala love implementiribaja thaj čhavorikane love akcentirinel o Bikovski.

Potencirime si kaj pobuter taro 5.000 familie udžaren te implementirinel pe e phurengiri penzia solea ka ovel pomukhle akala manuša so nane len 15 berša bukjarno staži te ovel olen nesavi penzia.

An o Stolipinovo ko pašipa e centroske e dizjake Plovdiv isi jekh geto so si majpurano an i Europa thaj saste šaj te ilustirinel pe sar trinto lumia, čorolipa, nasvalipa thaj but toksično.

Paše 50.000 Roma si thanjarde ko apartmanikane blokoa thaj kerde nalegalno khera ko olengoro bešipa taro komunistikano periodo . Ko sa akala forme pherdo Romen nane len pani pijbaske.

Majbaro kotor tari akaja mahala isi nahigiena bari . Phagerdi kanalizacia thaj cevke kerel bare panja pe droma. Akana sig thaj sine inficirime taro hepatit nasvalipa. Isi baro procento taro bibukjarnipa thaj o kriminalo si an o odola liste uče. Buteder taro čhave na džana an i škola.

Akana sig si notirime kaj si majbilačho than dživdipaske an i planeta te avilo manuš akate ko nakhiba. O Stolipinovo si sar paralelno lumia kote kontra pativapaja so si salde tikne vakteske vordonea ka avel pe ko sasto centari e dizjake Plovdiv , Bugaria. Akava si majbaro geto e Romengoro an i Europa.

Dži akana salde taro lokalno mediumia si len abro numero kerde tv storie -artikloa taro Stolipinovo thaj dominatno si o informacie baši droga, muadripa, kriminalo thaj čorolipa.

https://yomadic.com/stolipinovo-gypsy-ghetto/?fbclid=IwAR39YSZasAvesLgez8ITLUl_AQNSf1Tub9BFUwkP1X-ya-h59ndWWCKJSy4