O mature salde so na startujngje , em o hazrkeriba si akana aktuelno. Kobor love trubul jekhe rakjake?

300 eura si desavo proseko love so trubul te šaj notirinel pe jekh matursko rakj, a averenge minimalno budžeto salde fustani thaj kozmetika.

Trujal o diskusie an o diferentno internet forumia , prosek love prekal jekh persona so ka kerel matura si 20 eura hotelekse, thaj panda 17 eura baši diskoteka kote ka ikerel pe i matura.

Majimportantno kotor si i garderoba . Bašo maturani majeftino komplet sako pantolone si 50 eura an o dukjania ko centro e Skopjeske.

O gat thaj i mašna šaj kinel pe taro 25 dži ko 50 eura a ko prosek odokhare si thaj o kundre. Sa ko sa garderobake , hotel jali diskoteka dena pe paše 150 eura te nakhavel pe majeftino. Aver rigatar 150 eura si salde berndirime sako.

Paše 65 eura del pe fustaneske, 25 eura bašo štikle thaj 25 eura bašo frizure šaj ka nakhel majeftino o maturantia. Sa ko sa jekh maturanti so agorkerela maškarutni edukacia trubul leske paše 170 eura. Odokhare love trubul te šaj "majutsavakerde" baši kozmetika, frizura thaj aver tretmania, bizo esapiba o love so ka den pe baši garderoba thaj hoteli jali diskoteka.
Ma te bistrel pe i paše familia - o majpaše so keren lošaripa an o restorania , rposke so ka den pe love si taro 100 eura dži ko 330 eura jekhe rakjake.

Numa so motivirinela e bahtale jerien te hardžinen jekh dži ko trin prosek plate jekhe rakjake resarinaja te notirinen o sukcesi pe čhaveske so agorkergja na učo , na univerziteto numa salde maškarutni škola?

Jekhe štar dženegere familiake an o masek mart trubul sine lenge minimum 520 euro te šaj te istemalkerel pire elementarno zaruripa.

As o minimalno akcepcia hajbaske so kerel la o Sindikato e Makedoniakoro majbut love , jali 230 euro trubul hajbaske, a komunalie thaj khereskere bukjenge hulavena pe minimum 155 euro.

Baši personalno higiane ko kher jekh familia trubul lenge minimum 40 euro, transporteske 35 euros.

Garderobake trubula 35 euros, a kulturakere aktivitetenge 17 euros.