„Jevendaske nane amen elektrika, nialeske nane amen pani. Sako drom anglal alusariba o političaria avena thaj hohaven amen , kana ka nakhen o alusariba, nikote nane olen" vakerel jekh Romni taro bitolsko Bair e žurnalistkake, so geli te dikhel si li palo pandž čhona kerdo khanči pali editiriba taro CIVIL kaj o manuša taro Bairi deceniencar dživdinen bizo pani pijbaske.
Aver Romni tari akaja čoroli mahala dopherel kaj e dizjakoro šerutno tari Bitola i Nataša Petrovska dengja len lafi kaj ka kerel sa te faislakerel pe o problemi e elektrikaja thaj e panjea. „I Nataša dengja men lafi kaj ka kerel sa te šaj ovel amen pani. Numa akana panda hari ka aven o alusariba kamav te vakerav e Natašake te dikhel amen thaj te faisalkerel akava problemi , thaj te nakergja , ma te bičhavel nikaste akate te vakeren kaske te da amari vota , soske sar ka aven, agjaar ka džan peske. An o Bairi niko nane te ikljol te del piri vota" vakerela oj.
„Angleder o alusariba avena thaj hohaven amen te dengjem amari vota , ka faisalkeren o problemi e panjea thaj dena amen po 500 denaria te da amari vota. Soske te dav miri vota bašo 500 denaria?" vakerel jekh Rom taro Bairi so kamel sine te ačhol anonimno.
O Roma vakeren kaj nekobor droma blokiringje o drom e themake thaj e komunake te šaj šunen olengere problemia.
„An i škola mukha e čhaven te džan džuvencar , soske nane amen pani te nangjara olen " vakerela jekh holjami daj.
Angleder pandž čhona , an o 6 novembro 2018 berš kotor taro timi taro CIVIL barabutne e civilno žurnalistoa visitkergje i mahala Bair thaj kergje dikhiba e dizjakere šerutnea tari komuna Bitola, i Nataša Petrovska thaj e direktorea taro JKP Vodovod , Goran Kozarov so vakergje kaj džanen akava problemi thaj keren zori te faisalkeren ole.
Numa thaj palo nakhle pandž čhona kana o CIVIL havljargja o problemi so isi e Romen taro Bairi , nane panda nisavi reakcia taro lokalno thaj centralno legaripa. Čače li o Roma taro Bairi gejnen pe salde sar votibaskiri mašineria?!

Link: https://civilmedia.mk/zhitelite-na-bair-bitola-politicharite-na-ovie-izbori-nema-da-ne-izlazhat-so-vodata/?fbclid=IwAR0TZQmXQsYEF5N-4h9UPEbmzzlmP5PfI3zG3ZMm1tCtxJZYXo10qQRM9B0

Youtube:

An i tikni diz ko dakšim e Bugariake, Lom o dizutne tari odoja diz majbuter rodena frizersko tretmano ko romane frizeria.

O lokalno romane frizeria barikanipaja sikavena pire remek akti taro frizure ko pire salonia. Trujal so olendar nesaven nane len ni sertifikato ola vakeren kaj sebepi olengoro talenti buteder avena te keren lenge o majneve modelia thaj trendia taro frizure.

Ko akava 25 mile bari diz an i Bugaria taro buteder Roma si lokalno frizeria.

Aso olende o majbaro procento tari romani jekhin baš agjaar keren piri buti baši piri egzistencia sar profesia.

Ola si bahtale pire aktivitetoa thaj bičhavena mesažo majbareste te buvljarel pe o bizniso an o aver tari romani jekhin.

Aso olende an i akaja forma keren piri profesionalno kariera thaj lokalno integracia an o sasoitnipa.

Link: https://abcug.hu/batran-bizzak-a-frizurajukat-roma-fodraszokra-a-lomi-bolgarok/