An o purano kontinento majuče plate isi e dizutnen taro thema so nane membria an i EU a ko europakoro mateluno nivelo si o thema taro Balkani, aso o agorutne infromacie so si editirime ko rodaripa taro Eurostat, so havljargje majbuter balkansko mediumia.
Majbare plate si an i Švajcaria prosek masekoskere plataja taro 4.370 eura, dujto si o Island 3.568, a trinto i Norveška 3.310 eura. Taro thema membria an i EU , prosek majuči plata si an i Danska - 3.309 eura, palo odova avela o Luksemburg 3.159, pa i Švedska 2.570… O germancia prosek plata isi olen 2.270 eura.
Majtikni plata an i Europa isi e Moldavcon – 212 eura, hari majuče olendar i Ukraina 240 thaj o Belorusincia 337 eura.
Aso odola informacie , an o Balkano lideri si i Slovenia prosek plata si 1.077 eura, palo odova avel i Grcia 917, Hrvatska 827, Romania 535, Montenegro 512, Srbia 460, Bugaria 457, BiH 445, Albania 378, thaj i Makedonia 376 eura.
