Ko agorutno vikendo taro mart 2019 berš an i rakj ko 2 o saati maškar 29 thaj 30 mart startujnela nilaeskoro esapiba e vakteske.
O strelke ko saati ka trubul te legaren pe jekh saati angle, jali an o 2 o saati ka esapinel pe sar 3 o saati.
Dži ko agor e masekoske mart o dive ka bajrol thaj akana o karanluko ka ovel paše ko 18 o saati , a premestibaja o strelke , ka ovel amen dive sa dži ko 19 o saati , a ko strati e nilaeske em dži ko 20 o saati.
O nakhaviba e vakteske taro jevendaskoro ko nilaeskoro thaj obratno avgo drom startujngja an o 1916 berš ko thema tari Utarali Europa, a avdive si praktika an o 70 thema an i lumia.
E Europakere thema akana sig angje decizia kaj ka čhinavel pe akaja praktika taro aver berš.
