E buseskiri privatno kompania " Mak Eekspres" so džala an i linia 19 an o Skopje erati protestiringje , mukhibaja o busia ko buseskere stasioni pherde manušencar.
„O dizutne tari Šutka so keren lenge transporto thaj tari komuna Čair so si čače but manuša si amen problemia an o stasionia soske o termino maškar duj busia si but lungo. Anglčeder sine ko 7 minutia a akana ko sako 11 jali 14 minutia.
O busi phergjol bašo trin stasionia a o aver klientia so udžaren ko štarto stasioni buninen pe mujal amende " bašo mediumia vakeren o šoferia.
Ola roden trampa ko plano bukjake ko linie so palden o JSP thaj notirinen kaj ola na respektirinen o plano vozibaske.
