Dikhindo i situacia e Romencar an i Europa thaj an i lumia taro dive an dive si sa majpahri thaj majkomplicirimi thaj o baro nivelo rasizmo mujal o Roma , a dikhipaja amaro jekhipa thaj phralipa so si hulavdo ko buteder kotora, ko kava momento trubul te ovel zuralo jekhipa.
Ko agorutno koordinativno mitingo e Kabineteskoro vash o IRU ko buvlo ikeripa an o 13 Januari 2016 bersh , pashe sa olakere membroa sine jekhe krleskere te del pe propozalo Rezolicia vash organizacia taro 10-to Kongreso an o IRU.
Ikeripaja aso o IRU Statuto (akti taro 22 dji 28 akti ) o IRU Parlamento thaj olakoro Prezidento Stevo Balog si le ingerencia te akharel o 10-to Kongreso an o IRU, so ka ikerel pes an o 18 - 20 marto 2016 bersh an o Skopje - R.Makedonia. An o kava 10-to Kongerso vash o IRU si phravdi akharin - avipa sa e Romenge an i Lumia so keren maripa an o interes e Romenge te shaj chiden čačuno drom vash o anglunipa - progreso.
Taro IRU legaripa i akharin - avipa si validno vi e membronge - delegatonge amare phralenge so sine thaj an o agorutno 9-to IRU Kongreso an o Sibiu - Romania an o juni 2014 bersh, vi e phralenge delegatenge so sine an o paralelno 9-to Kongreso an i Riga - Latvia an o Augusto 2015 bersh. O 10-to IRU Kongreso si akharin vi amare phralenge Roma so si purane, terne, akanutne thaj avutne aktivistia - Roma kote shaj anen po 2-3 delegatora vash i sako them identikane prekal o propocionaliteti savo numero Roma dzivdinen an i odoja them.
An o kava 10-to IRU Kongreso palpale so ka sikava jekhipa ke ovel lacho momento te keras lachi diskusia - Resolucia so ka vazdel o respekto sar e Romendar thaj em e gadzendar, thaj ka buvljarel i demokratia thaj legitimiteto vash o IRU. An o kava Kongreso an i agenda vash o diskusie ka ovel vash o plania thaj implementacia elektronsko internet votiba so trubul te ovel implementirime an o Kongreso taro IRU so trubul te ovel an o 2020 bersh. Ko jekh an o 10-to Kongreso an o IRU ko Skopje, sikavel lacho shajdipa te kerel pe majbari diskusia basho majbaro thanjaripa thaj egaliteti ko Romane dzuvlja ko legaripa thaj i organizacia taro IRU, thaj te kerel pe eliminaciako na jekh nivelo mashkar o jeria, thaj an i chacuni forma e lafeske demokratikano funkcioniripa jekhe organizaciake.
Jekhutne shaj savore te ana faisali akale problemenge so arkahel pe i Romani nacia thaj te djal pe an o drumo vash o progreso
I parola vash o 10-to IRU Kongreso an o Skopje ka legarel si: Phralipe + Jekhipe = Zuralipa ! O IRU si jekh - Savore sem IRU.
