Kana notirinel pe o anav Grattan Puxon, sa okola so džanene o romano aktivizmi, thaj o korkoro Roma an i sasti lumia, prependžarena jekh taro majbare moderno manuša so kerel maripa bašo Romane hakoa thaj čačipa.
Okola so na džanen o rajo Grattan Puxon si Rom tari Britania, thaj o jekhto Generalno sekretari direktno protagonisti thaj jekh taro šerutne iniciatoria te ikerel pe o historikano Romano Kongresi an o London 1971 berš.
So legarel pe baši andi Decizia te ikerel pe o 10-to Kongreso taro IRU an o Skopje taro 18 dži ko 20 marto 2016 berš, o rajo Puxon akcentirinel jekh baro thaj historikano momenti e Romenge tari sasti lumia, thaj odova kaj akava Kongreso si čačutni šansa bašo demkratikano progresi e Romenge tari sasti lumia.
Ko jekh o Puxon personalno thaj individualno kerel baro angažmano an i afirmacia akale Kongresoske thaj si le kerdo dži akana upreder 50 delegatoncar taro sa o 5 kontinentia so trubul te len than an o akava Kongresi.
Sar so ov notirinela o Kongresi si momenti baši čačutni tranyicia e demokratikane procesonge ko Roma. I idea bašo Elektronsko votiba si dendi baš olestar thaj trubul te kerel pe olakiri realizacia ko aver avutno 11-to Kongreso so trubul te ikerel pe ko 2020 berš.
Odoleske o rajo Puxon kerel baro angažmani an o akava 10-to Kongreso kote ov pire džanlipaja, demokratikane kapacitetea ka kerel majabro importantno momento ko akava Kongreso an o Skopje.
