Ko18-to oktomvri an i jekh lokalno cafe piceria an i čehiakiri diz Žatec sine brutalno mardo thaj mudrado 27 beršengoro Roma tari diz Žatec. O džiakanutne informacie thaj but na lende aktia ko rodaripa akale čipotake. O IRU thaj o presidento Zoran Dimov bičhavgja lil - reakcia dži ki Ambasada e Čehiakere Republikake an o Skopje. An i odoja reakcia tergjola:
Respektirime Ekselencio.
Hramosarav tumenge akale lilea sar Reakcia tari rig e Internacionalno Romane Uniatar - IRU. Me Zoran Dimov Presidento an i Internacionalno Romani Unia -IRU an o anava taro sa o membrora thaj delegatia an o IRU, romani organizacia so kerel buti taro 1971 berš thaj olate isi membria, delegatia an o IRU taro upreder 70 membrora tari sasti lumia, kaste isi la piro Statuto, Paralmento, Kabineto thaj aver, bičhavas tumenge Reakcia sebepi an o 18.10.2016 berš aso čehiakere mediumia paše palo 19:00 o časo an i jekh lokalno cafe piceria anavea " Panamera" ki diz Žatec.
An i informacia sine buteder kontraverze ki forma sar mulo o terno 27 beršengoro lokalno Rom.
Palo odova isi but informacie thaj svedokia an i konekcia lende ospervaciake thaj i forma savo tretmano keren i policia thaj i Jurisdikcia a saste akteske.
I Forma sar kerel pe buti te šaj uđarel pe akava akti inicirinela but nalačhe bukja thaj sasti transparentnost.
Odoleske amen sar IRU kera reakcia vash dži akanutne lende aktivitetia thaj vakerwa Tumenge te keren reakcia dži ko čehiakere institucie te len akcia te šrocesiuirinen saste akaja situacia thaj kama tumendar te šaj iranen amenge informacie saste čipotake dži kote si procedura thaj kanonikane aktia te len pe mujal o akteria akale incidenteske kote tragično piro thaj našavdo dživdipa taro 27 beršengoro Rom tari diz Žatec, Republika Čehia.
Respekta thaj pativaja baši kolaboracia
Zoran Dimov
Presidento an o IRU
An o avutne linkiia si o informacie saste akteske:
Link: http://www.romea.cz/en/news/czech/patrik-banga-dear-czech-police-27-year-olds-do-not-just-up-and-die
Link: http://www.romea.cz/en/news/czech/the-final-hours-of-life-of-the-young-romani-man-who-died-at-a-czech-pizzeria
Link: http://www.romea.cz/en/news/czech/lucie-orackova-on-the-death-of-a-romani-man-in-zatec-czech-police-are-not-protecting-us
Link: http://www.romea.cz/en/news/czech/tomas-scuka-on-the-death-of-a-romani-man-in-zatec-we-do-not-support-antigypsyism-and-we-insist-on-objectivity#.WAsuBThBVTg.facebook
Link: http://www.romea.cz/en/news/czech/czech-republic-pizzeria-management-says-romani-man-who-died-there-attacked-customers-who-detained-him-until-police-arrived
Link: http://www.romea.cz/en/news/czech/michal-miko-on-the-death-of-a-romani-man-in-zatec-what-next
