Akala divesa pobuter amendar irangjam i sama e bibahtael incidenteske nao Žatec kote 27 beršengoro Rom mulo pali kerdi čhingar ko jekh lokalno restoranti. Te ova realno savo incidenti asavke konsekvencar kote našavgjovel jekh terno dživdipa kerel amen bibahtale, emocionalno mazuni kana merel terno manuš.
Nane importantno savo si etnosi ov. Nane importantno ni savo dživdipe dživdinel sine angleder te merel ov!
Numa ako neko našavel plo dživdipe sebepi oleskoro nacionalno identiteti odova kerel amen panda majbibahtale thaj šokirime!.
Angleder nesave divesa terno manuš khuvgja ko restoranti thaj sebepi desavi čhingar , majpakjavutne legargja pe hari majzorale thaj kerel sine avere manušenge problemiaSavore amen po desavo drom siem sine kotor taro desave čhingara ko desavo lokali numa nikana na agorkergja odokhar tragično sar so sine e viktimea taro Žatec!
Pakjava sine kaj ka kerel pe objektivno percepcia ko than tari policia. Numa avdive šunaja desave nalogično irame informacie akale incidenteske!
I oficialno autopsia sar egzamplo mukhlja ko tromalipa savoren so sine involvirime an o akava incidenti thaj o meriba e terne romeske!.
O dat e romane čhaveske so mulo na sine leske mukhle te dikhel o trupo pe čhaveskoro anglal te keren i autopsia. Te del pe šajdipa te keren identifikacia e jeriengeiri pe čhaveske, so si normalno aso o Kriso.
Vakerel pe kote kotor taro manuša so kergje akava atako si profesionalno kik bokseria so si an i konekcia e lokalno policijaja. Ko agor jekh svedoko so dikhlja akava incidenti vakerel kaj ola kana khuven le sine den sine vika thaj rasitikani konotacia thaj parole, thaj maren le sine anglal i policia. Faktea kaj o rodaripa si an o starti panda kerava zori kote i policia ko agor ka ikljol vaktavinaja so ka oven bazirime ko faktia. O Krusi trubul te kerle buti savorenge amenge.
Ola trubul te keren objektivno buti soske savore o dizutne opukjinen danoko konektiribaja thaj o Roma!. Amen da keraja buti an o Čehiakoro sasoitnipa, amen sime kotor tari Čehia thaj mangaja te ova amen da siguritetnoan i them kote so dživdinaja. . Darava kana dikhav kaj o Anticiganizmo an i Čehia si sar praksaan o institucie thaj i them so trubul te keren buti realno , profesionalno sa e naciake. Odoleske trubul savore te instistirina an o objektivno rodaripa e saste čipotake thaj te roda o čačipa!.
Trubul te kera sa bašo jekha jekhipa, manušikane hakoa thaj te vazda amaro krlo!
Salde kerde solidaritetea šaj te irana o bilačhipa. Kana keraja kaj na dikhaja asavke forme ka bajrol o šajdipa te ova tolerantno an o avutnipa. Mange akaja idea si alaramantno!
