O Ninoslav Jovanović popendžardo sar Malčansko berberi iranel pe ko niško phanlipa, kote ko Specialno phanleskoro hospitalo taro Beogradsko kriso agorkergja oleskoro psihološko veštačiba.

O veštačiba ko Jovanović si kerdo telel šubikeriba kaj kergja kidnapiriba thaj seksualno atako upral i 12 beršengiri Monika. K so sine paše jekh masek , kote aso dendo dekreti taro krisari ko anglokerdo akto taro Majučo kriso ko Niš.

O rodaripa em i gind ka oven dende dži ko kriso em ombdusamno ka legarel o rodaripa mujal o Jovanović so akanaske nane pendžarde bašo savore.

O psihološko veštačiba trubul te del ocena kaj o Jovanović sine svesno ko momenti taro kidnapiriba em ko vakti taro policisko rodaripa em saste oleskiri psihološko situacia.

Asavke došperavipaskere akteske minimalno globa si 10 berš phanlipa, a maksimalno sadživdipaskoro phanlipa.

Link: http://rominfomedia.rs/zavrseno-psiholosko-vestacenje-ninoslava-jovanovica-malcanskog-berberina/

Samka Ibraimovski - PCER, Fata Osmanovska - SDSM, Asan Ferat - SDSM, Amdi Bajram - SRM, Aksel Ahmedovski - PDPR, Gege Demirovski, Demir Ismail kandidati baši dijaspora, Ljatifa Šikovska - SDSM, Erdžan Selimi -ROM, Samet Salievski – SDSM taro Kumanovo ,, a šaj ka ikljon panda neve anava ko politikano stejdži so ka arakhen pe ki lista deputatia ko sa Alusaribaskere jekhina ki them em avrial olatar.

Sa si sfera taro kalkulacie , špekulacie em strategija ama aso nesave havlajrina kaj i deputatengiri fotelja ka ovel interesno em bari dži kote ikljon akala anava.

Poziciake direktori em legarutne ko institucie em JP ka ovel interesno em bari.

O maripa te resle pe ki lačhi „pol pozicia“ ki odoja lista taro SDSM em VMRO DPMNE kote o kandidatia deputatenge ne nakhaven o „komotno“ deputatengoro štar beršengoro mandati (te na sine nesavo anglovakteskoro alusariba)

Sa o upreanavkerde „persone“ ka ovel len obligacia te sikaven pe sar „baro faktori“ maškar o Roma em buvleste te šaj resel i pozicia te khuvel majsiga ki koalcia.

Ko jekh ka kerel pe kalkulacia ko alusaribaskere jekhina kaste isi majbare šanse . Akava momenti ka ovel napendžardo sa dđi ko momenti kana o SDSM em o VMRO DPMNE na sikaven pire liste.

A kaj si o intereso e Romane naciakoro? Ola akanaske si majpalal ki agenda. „ Udžar me te khuvav ki odoja lista majupreder te arakhav o personalno em partisko interesia, a e Romenge otom –potom.

Jekh si siguritetno , džabe si i pozicia ako o Roma nane tumen ko avgo plano.

O kheurutno esapi em ko kurko na ikljola sar so planiringjen , vakeren ko komentari taro Romano demokratsko Sujuzo – RDS.