O Presidento taro europakoro parlamenti, David Sasoli ,  angja decizia ten a ikerel pe I plenarno bešin ko Srazbur so si notirime o avutno kurkoka ikerel pe ko Brisel sebepi epidemia taro korona virusi.

„Upral I funda taro dopherdo raporto taro medicinsko ofiso taro Europakoro parlamenti ko buvljaripa taro rpogresi tari infekcia taro Kovid 19, plenarno bešin o avutno kurko ka ikerel pe ko Brisel sebepi akaja situacia” vakergja o Sasosli ko “Twitter”

E Europakoro parlamenti ka kerel mitingo jekh drom ko masek plenarno mitingoa ko Strazbur, a ko Brisel ikerel pe agjaar vakerdo mini plenarno mitingo so si potikne vaktea.

E Europakoro parlament majbaro kotor tari pli buti kerel plo aktiviteto ko ofio, majbuteder ko Brisel.

Ko starti akale kurkeske ko Europakoro parlamenti sine involvirime konkretno aktia em sine limitirime ko diferentno vizite, lobistia, misafiria taro parlamentarcia em olengere asistentia, Sine čhinavde pobuter taro 100 konferencie.

Ki Francia taro korona virus inficirime si 423 inficirime em efta mule, a ki Belgia si registririme 50 inficirime, a nane notirimo meribaskoro akti.

I statistika vakerela kaj I diferencia maškar o čorole em o barvale tiknjarel pe, ama o dizutne odova na hošinena le

Ko lumiakoro nivelo majbari diferencia maškar o dizutne si ki South Afrika koeficientea taro 0.634, palo odova I Namibija 0.613 o Haiti  0.608. Majtikni diferencia isi ki Ukraina 0.255, Island 0.256 em Slovenia 0.257.

Taro ko thema ko region trujal I Slovenia so tergjola fantastično a ko globalno nivelo solidno si em I Albania  0.290, Srbia 0.291, Montenegro 0.319, Hrvatska 0.322, Bosna 0.331, Grcia 0.358, Bugaria 0.374.

O dizutne na pakjana ko akaja notacia tari statistika. Ola vakeren kaj I diferencia maškar o barvale em o čorole na tiknili, numa kontra panda buteder barili.

„Dikhen salde save vordona paldena ko Skopje, odova sa vakerela. Šaj buteder droma de dikhel pe Porshe, Lambordjini jail Hamer. Asavke vordona našti dikhen pe sine akate angleder 10 – 20 berša. Aver rigatar 90% taro aver vordona si purine deš berša em si ko prosekp 2.000 eura” vakerel dizutno taro Skopje.