Oficialno narativi ki konekcia kote startujngja o korona virusi em kaj ov si legardo taro marketi ki diz Vuhan , Kina. Ama aso o kerde analize kerde taro japosnko em kinesko naušnikoa em ekspertoa o virusi si taro aver than em odova but angleder numa o januari 2020.

Kana khedingja egzamploa taro genomo ki Kina , e medicinakere ekspertoa majanglal sikavgje kaj o virus na avel taro marketi morsko hajbaske taro Vuhan, numa si le pobuter naidentifikujme aktia so si dataja taro agor e masekoske novembro , so palo odova alo o virusi ko odova marketi.

Palo odova o ekspertoa lele 100 egzamploa taro genomi taro 12 aver thema ko 4 kontinentia , so sine identifikujme diferenentno variacie em mutacie. O rodaripa sikavgja kaj isi jekh a jekh konkluzie sar okola taro japonsko ekspertoa kaj o virusi na startujngja ki Kina.

Ko 27 januari o baro kinesko respiratorno specijalisti Žong Nanšan vakergja “ Trujal so o korona virusi avgo drom sine arakhlo ki Kina, odova na sikavel kaj avel odothare”

Premal o japonsko mediumia o virus inane tari Kina , numa taro USA. Ko odova ko raporto vakerel pe kaj 14,000 meribaskere aktia so si registririme sar sezonsko gripi ko USA si jekhutne kororna virusi.

O učo virusno eksperti taro Tajvan vakerel kaj o korona virusi avel tari Amerika. Ov sikavgja kaj telo tipi taro virusi so isi le ko Tajvan isi salde ki Australia em USA. Faktea kaj o Tajvan na sine inficirime taro Australcoa, vakerel kaj I infekcia ko Tajvan majpakjavutne avili tari USA.

Majodorig o tajvansko virologo vakerel kaj ko spetemvri desave Japoncia so dromargje ko Havai irangje pe khere inficirime. Akala manuša na sine ki Kina. Odova sikavel kaj o virusi buvljarel pe lungo vakteskoro taro nekobor masekoa em sine ki buvleste teritoria so dži akana džanel pe.

Akala informacie notirinel em o Centro baši kontrola em prevencia nasvalipaske ki USA so dži akana si len testirime tikno numero manuša ki teritoria e themake. O Direktori akale Centroske vakerela anglal o Kongresi kaj faktori soske o testiriba si but pohari kerdo em but inertno legaren pe dži ko sastipaskere institucie ki USA.

Dži ko 8-to Mart salde 1707 amerikancia sine testirime tari korona virusi , so si 5 testoa ko jekh milioni manuša. Ki Makedonia isi kerdo pobuter testia ko proseko. Sar paralela ki South Korea dži akana si kere testiriba ko 189,000 manuša. 

Šeurtni resarin e proekteske “ Zojrakeriba ki inkluzia jursidikciakoro suporto e Romenge em aver teleperavdi kategoria” em te lačharel pee m vazdel pe I gind e dizutnengiri bašo bilovengoro jurisdikciakoro suporto.

Prekal o proekto o dizutne šaj resen niamalo konsiliaro , notacia taro majdiferentno pučiba ko diferentno forme so si ko civilno , kriseskoro em legaribaskere aktia, a te valjani palo odova advokati keren aplikacia emo dole aplikaciake anel decizia ka del pe li lenge advokati.

I Katerina Šojić koordinatori e proektoske vakerel kaj primal o informacie taro Kumanovo ko berš majhari 400 dizutne roden suporto em akharen e personen so trubul lenge asavko suporto soske o proekti agorkerel ko dekemvri 2020 berš.